منتديات المستقبل السودانية

الزائر الكريم منورنـا في منتديات المستقبل السودانية .. نتشرف بزيارتك ولكن سوف نتشرف أكثر بتسجيلك معانا

انضم إلى المنتدى ، فالأمر سريع وسهل

منتديات المستقبل السودانية

الزائر الكريم منورنـا في منتديات المستقبل السودانية .. نتشرف بزيارتك ولكن سوف نتشرف أكثر بتسجيلك معانا

منتديات المستقبل السودانية

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المواضيع الأخيرة

» في البدء كانت إشارة الإستفهام
روائع الاستاذ محمد طه القدال Icon_minitimeالإثنين 25 يناير - 2:49 من طرف سراج منير

» اشراك الساعة الصغرى
روائع الاستاذ محمد طه القدال Icon_minitimeالأحد 24 يناير - 23:23 من طرف سراج منير

» آخر جيل من العرب
روائع الاستاذ محمد طه القدال Icon_minitimeالسبت 23 يناير - 8:03 من طرف سراج منير

» هلاك العرب في آخر الزمان
روائع الاستاذ محمد طه القدال Icon_minitimeالسبت 23 يناير - 7:46 من طرف سراج منير

» الملتقي العربي العاشر استشراف اداء الدوائر الحكومية شرم الشيخ –جمهورية مصر العربية للفترة من 5 – 8 ابريل 2020 م
روائع الاستاذ محمد طه القدال Icon_minitimeالأحد 1 مارس - 5:22 من طرف محمد أحمد سويلم

» البرنامج التدريبي التميز والإبداع في التطوير الإداري وتنمية الموارد البشرية للفترة من 22-31 مارس 2020م تقام فى نفس التاريخ فى كلا من (دبي – القاهرة – اسطنبول – كوالالمبور )
روائع الاستاذ محمد طه القدال Icon_minitimeالإثنين 20 يناير - 23:57 من طرف محمد أحمد سويلم

» ورشة عمل جدارات إدارة العمل بذكاء للفترة من 22-26 مارس 2020م تقام فى نفس التاريخ فى كلا من (دبي – القاهرة – اسطنبول – كوالالمبور )
روائع الاستاذ محمد طه القدال Icon_minitimeالجمعة 10 يناير - 23:51 من طرف محمد أحمد سويلم

» ماجستير ادارة الاعمال بشرم الشيخ ( اقامة كاملة مع برنامج سياحي يشمل ( Diving and snorkeling في Blue Hole – حفلة مسائية على مسرح الف ليله وليليه – الذهاب ليلا الى منطقة Soho Square والتمتع بمشاهدة النافورة الراقصة )
روائع الاستاذ محمد طه القدال Icon_minitimeالثلاثاء 7 يناير - 0:38 من طرف محمد أحمد سويلم

» الملتقي العربي العاشر (استشراف اداء الدوائر الحكومية ) شرم الشيخ –جمهورية مصر العربية
روائع الاستاذ محمد طه القدال Icon_minitimeالإثنين 6 يناير - 0:10 من طرف محمد أحمد سويلم

» ماجستير إدارة العقود والمناقصات المهني المصغر
روائع الاستاذ محمد طه القدال Icon_minitimeالإثنين 23 ديسمبر - 6:25 من طرف محمد أحمد سويلم

» فعاليات الورش والبرامج التي تبداء في 16 فبراير 2020 م
روائع الاستاذ محمد طه القدال Icon_minitimeالخميس 5 ديسمبر - 3:43 من طرف محمد أحمد سويلم

» دعوة للمشاركة بالمؤتمر العربى العاشر : تكنولوجيا الموارد البشريه - بالقاهرة
روائع الاستاذ محمد طه القدال Icon_minitimeالأربعاء 27 نوفمبر - 5:34 من طرف محمد أحمد سويلم

» فعاليات وحدة الشهادات المهنية باعتماد جامعة ميزوري الامريكية - فبراير 2020م
روائع الاستاذ محمد طه القدال Icon_minitimeالثلاثاء 19 نوفمبر - 5:04 من طرف محمد أحمد سويلم

» البرنامج التدريبي أساليب تحليل المشكلات وصناعة القرارات للفترة من 5 - 9 يناير 2020 م
روائع الاستاذ محمد طه القدال Icon_minitimeالخميس 31 أكتوبر - 4:47 من طرف محمد أحمد سويلم

» البرنامج التدريبي إستشراف المستقبل و أدواته في دعم إتخاذ القرار و بناء المستقبل للفترة من 22-26 ديسمبر2019م
روائع الاستاذ محمد طه القدال Icon_minitimeالأربعاء 23 أكتوبر - 7:04 من طرف محمد أحمد سويلم


4 مشترك

    روائع الاستاذ محمد طه القدال

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty روائع الاستاذ محمد طه القدال

    مُساهمة من طرف osman الثلاثاء 6 يناير - 3:39

    كل ما جاد به القدال يستحق التوثيق هنا
    اذا معا نوثق للمبدعين فى بلادى


    ( كلام الرتينه بت سالم )

    كلام الرتينه بت سالم فى حنه على الشاشوق
    بنيه لى سالم ولد عتمان صلاه الزين وسموها الرتينه
    امها بت على الخمجان خريف الرازه عزينا
    كبار الحله اباتها وبكار الحله اماتها
    تمرق زينه تبرق زينه تمشى تهاتىوزينه
    بلا الربع التحجل شاكيه للوديان كتافها
    وفوق الجيد على ضهر البوادىتغنى ما خاتيه الزرافه
    كلامها ضنين بسيمه الودعه الا تزيد لطافها
    منامها رصين مقدم زوقها قبال الحصافه
    كلامها حنين كلامها يطمن الهمباتى والمجلوبه متعارض كتافها
    وقاريه وكاتبه تحمد سيدها ماخده على البنيات الشرافه
    كما البريبه تبردعينى لاتغشاها لا احضر نشافها
    وكان فى الحله يوم حنه على الشاشوق
    اها مشينانقدم البنوت على ضوء الرتاين
    عيونن هارجه تنبح فى الفجر والليل قريب واقف يعاين
    خدودهن هارجه زى ضوء الكهارب الفى المدينه
    وكان الليل وما فى الحله منالحفله الا صداها
    كان زغروده كان غناى رقيص الشامه بت حمدين
    وعرضه حامدالعولاق
    وخت الحنه لى يات من حضور ضفرين
    ونمات العديل والزين
    وشنق ود سعدطاقيتو
    شان فى الحله ساو كنتين
    وشتله عامر المسكين
    وعيط ود مجمر زين
    عشان الزينه رقصت زين
    وفى الشعقيبه كان بازمالو شبالين
    وسكره وين وسهرهوين
    وبهره وين وجهره وين
    اقول ا بنيه ليش ما تهمى ليش ما تهمى ليش ماتهمى
    لى زولاً مشلهت فوق دريبك لا النفس مجبور ولا لحق الغزاله
    وقفت وانبهطرماشها جدعت بى البسم رشاشها
    اا المهجوم اهجمك الله كان داير تسى لىالخلعه
    قالت والعيون ضحاكا
    فى ضوء الرتين بشاشا
    عاد من حينى جاتنىالحاله
    قلتله لا لا
    حات النعمه ا ا بنيه البريد فى الريده ما بخبر فساله
    حدرت باسمه قلتله عاينى تسلم عينك الا حقيقه مو ساهل كتالا
    ندهت ناضره : حالفابو الصباح الباش يلون فى المشارق
    تلا تانا الجايه من تالانا تاله
    وحاتامى البعزها زى تراب حلتنا
    ابقى حداك ياالمريود
    واقول لى اهلنا ناس قدام
    وفى ها الحاله مى شينه القواله
    واساعل القمره فى شانك
    اقولها هيلا ياالقمره
    وتانى وهيلا ياالقمره
    وتالته وهيلا ياالقمرا
    دحين ساكن رويشاتالقليب
    فى الحله مو رشا القواله
    وحات الفرحه فى ها الليل
    بشوفك فيك عزابواتى
    ضرعاتك خضر يالباهى
    مادايرالى من غيرك كفاله
    وجاتنىالنهمه
    قلتلا اقيفى يالمريوده
    عايز ارميلى مرباعين
    وتبقى حمالتى عن سيدالحماله
    قالت والفجر فى خديدها
    اا الممسوخ حدانا العين
    بعد ما تسدرالضحويه
    خت الفاس على كتفك
    وبوح غادى بوح غادى
    نم فوق البعجبك زين
    قلتلا زين
    وداك الحين
    بشوفك يالرتينه مع الشمس بتلالى
    والنازله السحابه الكابى فوق حلتنا كان سابل ضلاله
    بشوفك فى عوينات الصبين
    العيشاتلفف ضياهم
    والنهار وصف خطاهم
    والصبر زارعنو فوق ضهر البيادر
    فوق كتافين السقاله
    بريد ريدك كفاح اهلى
    وريد ريدك سماح اهلى
    واريد مهواك
    اريدانسانك الجواك
    واريدك تانى زى اخر الحتاله
    وادوبيلك
    واشيلك غنوه للسمحات
    انمك فى تراتيلى
    وكل ما العتمه تنزل سابله
    انسى عناى
    واتاوق لىقناديلك
    واشد حيلى وادوبيلك
    اذا مغناى
    يبرد فى الحشا صبرك
    يرجعتهاليلى وادوبيلك
    ولو الشوق عرف بكاك
    اطرى غناى
    عليك العز
    عليك العزهيالمريوده ادوبيلك

    [/center]


    عدل سابقا من قبل osman في الثلاثاء 6 يناير - 7:53 عدل 1 مرات
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 6 يناير - 3:41

    القدال
    الحليوة ليلة المولد(بقول غنوات)
    بقول غنوات بقول غنوات
    فى البلد البسير جنياتها لى قدام
    وفى الولد البتل ضرعاتو
    فى العرضة

    ويطير فى الدارة صقرية
    ولو السمحة تلت إيد ومدت جيد
    يقوم شايلاهو هاشمية
    ويشيل شبال وختفة ريد وفرحةعيد
    وريدة روح وحمرة عين وايدية
    ويالولد البشيل مدقاق
    وقولة خير على القمرة
    يقابل الجاية متحزم
    ويدارك الجاية متلزم
    كلام فاسك على أرضك
    يبقى عديلة يا بيضا
    ويبقى زفاف تزغرد ليهو قمرية
    وقبال حول تغّيم غيمة قِبلية
    ترش الدارة والحدبة الصعيد الحلة
    ويا فرحة بتطارد الصفقة فى

    النسمة الصعيدية
    ويا جهرة نهار الليلة بدرية
    رحيح جنياتنا فى الحدبة

    الصعيد الحلة
    يا سمحاتنا هو لبلب
    ويا قمحاتنا هو لبلب
    وياللوزالفتق فى الوادى هو لبلب
    ويا سمحاتنا هو لبلب
    ويالبحر الطمح مدّادىهو لبلب

    سألتك بالذى ركز الارض معبد
    وسوى الفاس عليها مقـــام
    سألتك بى حجا الأُمات ودمعاتنا
    سألتك بى كبيداتن ودعواتنا
    شليل وين راح
    يكون ضل الخريف فاتنا
    شليل وين راح

    ************
    وزى برقة السماك الجابها دغشية
    وزى زغرودة البطن الكبارية
    مرق من شامة القــمـرة

    مهيقد بى وداعة الله
    ومقدم بالعديل يبـرا
    تعالوا أبشروا يا جنيات
    شليل ماراح ..

    شليل ما فات ..
    شليل عند المسورو حرق
    بقالو حصاد
    شليل فوق التقانت قام خدار وبلاد
    شليل مسدار شليل مشوار
    شليلنا أرضنا يا جنيات
    شليل قايم نصاصى الليل
    يتمتم ليلو وردية
    حرازنا شليل شليلنا دليب
    شليلنا دليل على البلدات
    بعد درب التبلدية
    شليل ما راح

    شليل ما فات
    شليلنا ونحنا همباتة ومهاجرية
    مزارع بات على عشقين
    تراب بلدو وسماح فوق بت مزارعية
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 6 يناير - 3:43



    القدال
    سمحة وسمرية
    سمحة وسمرية
    محبوبتى ولفتاتة غزالة
    خضرة ومسقية
    وجنب النيل مشتولة النالة
    بهواك يا بنيـّة كتبتو قصيد
    وبقولو مقالة
    بتفتحى فيـّـا معانى غناى
    تديلة مجالا
    ************
    زهرة وبرية
    بشوق الأرض عيونا كُحالة
    تريانة ندية
    بعرق الناس والناس فى بالة
    يا خوفة علىّ عقل وثبات
    ماهـا الولوالة
    ************
    من فرحى البيـّا
    قلعت الخوف وكستنى بسالة
    قت ليها النية متين نتلم
    والحال بطالة
    قالت لى غنية وإنت معاى
    مستورة الحالة
    بت سودانية
    محبوبتى ولفتاتة غزالة
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 6 يناير - 3:46

    القدال

    رجعلك قليبى المهضلم
    رجعلك قليبى المهضلم
    يراجع صنوف الغناوى .. العصيـّة
    جا راجع معاك الكلام
    القبيل إستبان
    الكلام المبهرج مخاوى
    الكلام المزيف
    ولا فيهوغيرإحتلام وإنفصام
    تموت الحروف .. يوم تقوم القصائد
    مقام الطبول والبخور
    **********
    بشوفك جرايد شواكر حوامِد
    ولا هامِّى فيها
    عليها المصايب .. تمام التمام
    مغايص بتفرم حشاهـا
    وغباين بتنفُخ بطون
    البسفـّوا التراب
    وحايح لهيب البتلـفح ..
    تلهْـلِبْ .. وتشوى الجلود
    أتف القصايد إذا ما القصايد
    دايرة ليكى البكـا
    البصاحب رِضا السرِّدار
    وأتف القصايد ..
    إذا ما القصايد بتنزل مريدة
    وتسبِّح بحمد الذى إبتلاكى
    وهدانى الودار
    ***********
    طريتك وأنا الكنت قايل
    خيالك معشعش جوايـا
    سكنتك .. وما لاقى فِجـّة
    أخيرلِكْ أقول البحرِّق حشايا
    أخيرلِكْ أفضفِضْ جراب الخبايا
    أقول الكلام البفكك سوارك
    يوقـِّف جدارك .. ويرفع عضايا
    تضيع الرموز التغطى الكلام
    أقول السكاكر .. أبتنى
    ورمتنى .. وكفانا
    أقول العساكر .. تبارِى الكبارى
    تفتش قلوب الجُهال
    الشلوخهُمْ .. هويّة
    وأغنى الزيود .. والكنانة
    كِضِبْ..
    أقول البنات البفتْحَـنْ صِدورْهِن
    يقالدن رشاشك .. ويخلّنْ حبيبهِنْ
    كِضِبْ
    عريب الجزيرة الببيعو الزيوت
    ما شروك و وفروك وختوك تراب
    عقال الجزيرة المدلدل هدومهم
    قرب ود رباعة المودك بطونهم
    مراتب قطن حراير جلودهم
    بنات مونتكارلو الجواهل جوالف
    ضنب عمو سام
    ************
    مُراحك .. يعشِّى .. ويفشِّى
    خدارك مرطـِّب يندِّى الضَهَارِى
    تُرابَك مبوسِبْ .. يقوِّم دُخُن ..
    لو زرعتوا الحجارة
    وِلادكْ .. بِلادك .. كروها السَّحالى
    تسفِّر سعيتك ..
    تقنِّب تبارى الجداد العُقالى
    تجوع يا البشدِّر خريفك
    سواقى البطانة
    ويمطِّر رزازك .. عزازالحصاية
    وقموحك سنابل مُشاط كردفانى
    ابيت الكلام المقتقت وفاضى وخمج
    *********************
    وِلادك قُصادك .. شُعاع التحايا
    يضووا الشقوق التَّلِم الدوابى
    ويورّوا الدروب لى القلوبهم عمايا
    عرقهم حُبالك .. وصوتهم مشانق
    تلم الدقون الكبيرة
    وتحدِّر فِقَرْ .. سمنتها اليالى الضليمة
    بتهدر حرايق .. وتحمى
    البياكلوا المطايب
    وتسجن بطون الجياع .. العرايا
    وشوشهُم سُمُر .. حَر أباطك
    صفوفهُم مقامك .. وحِلمك حِلِمهُم
    رغيفة ..وكرامة .. وسلامة
    مصانع بتحرق قبُل تبدا فيها
    مزارع بتـيـبس
    ونيلـك ممدَّد جنازة
    وعقـيدك .. وسِيدك ..
    بيكتب ويمحى وتبقّ المحاية
    ابيت الكلام المقتقت
    وفاضى وخمج
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 6 يناير - 3:50

    مسدار ابو السرة لليانكى

    أُمّاتِي القِبيلْ

    بي حِنّهنْ لجّـنّي

    كَرفة وقَلدة

    كيف شوق اللّبن رَجّني

    حُزناً جاني في مَيْع الصِّبا يلَجِّني

    أطلعْ مِنِّي يا جلدي المِنمِّل جِنيِّ

    واطلعْ مِنِّي يا حُزناً بِقى مكَجِّني



    خَلّني أبدا مُسداري

    وأودي قفايا لي داراً بِقَتْ مِي دَاري

    جِيتَا ..

    وجِلْدِي بينو وبين عضايا الشّحَمَة

    إلا النّار بِقَتْ قِدّامي

    جِلْدِي اللّيلة بينو وبين عَضَايَا المافي

    إلاّ تراني شَوّالْ الكِبِسْ

    نِفّيخْ جَراريب الوَرَمْ هَدّامِي

    في جِلدي الورم قُولَنْلي

    واللاّ صَحِي الورم عَضّامِي



    سفريتك مِي في النيّة

    ماها الكانت محريّة

    خابراكْ عِرِّيفْ ..

    ذم العُربانْ واللاّ قِيام الوردية

    مالكْ ؟؟؟

    تَرْيَانْ ومندِّي

    كاسي الكِتّان والهندي

    قولَكْ كِكّيفْ ترجى البيشان

    واللاّ الغُربة البي الزِّنْدي

    برقاً عِبْدِلِّي الوَزْنِ

    يا طاشْ .. يا جاب المُزْنِ

    فَرِّقْ يا الضّيفْ

    فِعْل الغَضْبان ..

    أم فِرْفيرات الحُزْنِ

    وشِنْ القَعدة

    يا أبو السُّرة

    شِنْ القَعدة في ضُل العمارات أم كمرةً برّة

    ضُقْنا الحَنْضَل اليانكي

    وبَلَعْنا المُرّة

    كِمْلَتْ كوتة التُّمبَاك

    صَقَعْنا الجِّـرّة

    ووكت إتقفّلَتْ شِقّيشْ

    قَبَلْ بي المرّة

    نَرْمي أمُرنا في بلد المعاني الحُـرّة

    الشّمْ خَوّخَتْ

    بَرَدَنْ ليالي الحّـرّة

    والبرّاق بَرَقْ ..

    مِنْ مِنّا جاب القِرّة

    شوف عيني الصِّقير بجناحو كَفَتْ الفِرّة

    تلقاها ام خدود الليلة مَرَقَتْ بَرّة

    مَرَقَتْ بَرّة ..

    مَرَقَتْ بَرّة تغلي مديدة الحِلْبة التَسَمِّن رِدْفَها

    السَمِنْ المبَسْتَرْ يانْكي

    والويقود بعيرات الدُّخان في العين

    وفي الفَشْفَاشْ يسوِّي عمايلو

    شِنْ فايدة مديدة الحلبة والويقود بشيلو اليانكي ؟؟

    يا ابو السُّرة

    قامت من دخاخين العمى تلمِّع وشِيها

    اليانكي مِسْتَنِّيهَا

    كان اليانكي مستنيها في مراية السَجَم في اللّيل

    لقيتها مِتِلْ فريخ الطّير

    مَرَقْ ود عينها من ود عينها

    رجّافة المزمّلْ حُمّى

    جَفَلَتْ مِنّو

    وَقَعَتْ عندي

    صدرها بغلي

    يا ابوالسُّرة

    شُفْتَ اليانكي في ود عينها

    سُقْتَها للبحر

    يمكن يغسِّل عينها من اليانكي

    فُتْنَا الحَجْرة بالكَتّة وغطسنا مسافة

    تبقى قَدُر مسالك الرّيدة

    وما لاقانا من يغبانا في البحر الفَدَرْ تحتاني

    ناس عارفاها

    ناس عارفاكا

    ناس عارفاني

    نادينا القعوي والبُلْطي

    قرقور السّمَك ودّانا لي دابي الخُشَشْ

    نادينا عُمّال الطّمِي

    عُمّال الطّمِي الصّارقيلا

    والقَرْمُوط

    وود الموية

    وفُتْنَا عليها

    كانت نايمة

    عَجّال البحر حارساها

    كانت نايمة بين حجرين وضُل ساسوية

    وعُمّال الطّمِي الصّحونا لّمُو حصى البحر

    قسموهو ياتْ من كان سبع جمراتْ

    دابي الخُشّة قال :

    أدُّوها في الجمرات تلات سبعاتْ

    قُلْنا :

    أدُّوها في الجمرات تلات سبعاتْ



    مَسَكْنَا دَرِبْنَا

    وعُمّال الطّمِي الصّحوها

    خابرين الدّروبْ

    مَرَقوبنا في مُشْرَعْ مسارب الضّيْ

    لقينا الدُّنيا تترجّانَا

    قُوقَا القِمْري

    خَوّى صِقيرْ

    وعَوّى حِديْ

    وعُمّال الطّمِي الصّحونَا

    لَمُّو على البعرفو الصّيْ

    حَصَى القيزان

    دوابي الدّارْقَة

    والسِّحْليّة

    والنّاسْ التِّحِتْ

    النّاسْ التِّحِتْ خابرين عَمايْل اليَانْكي

    مَرّة معونة لي اللّغّاف

    ومَرّة دَوانْكِي

    شِنْ معناهو جيبها إن كان ملوهو بوانكي

    وصوتها مكتِّمو القَرَبين سيوف وسَوانْكِي



    قولَنْ لي الأَخْلو ديارو

    دمّكْ فَرْهَدْ في نارو

    غَوّرْ في الأرض

    طارو صَقْرين

    أولاد الأرض ما طارو

    لحمي غَطّى بِنْ عَمِّي

    شو صار حالو يا إمِّي

    منديل العِرْضْ في بيت الدِّينْ

    دمِّي ما يخلِّي دمِّي

    إنّا من دير ياسينْ

    صِرْنا في جِزْر التّين

    عَمْ نسقى بعضْ

    حُبّ الزّيتونْ بدّو يرجع للطينْ



    صابرا تحت الدورية

    صابرا فوق الدورية

    صابرا فوق الدورية

    يا حال الضِّدْ

    لحم الطِّفلين نابت غُصنْ الحريّة

    جِذْري مو في شاتيلا

    ما قال حالي يا ويلا

    حِنّا في الأرضْ

    أرضِ فلسطين

    يا إمِّي هيلا هيلا

    يا إمِّي هيلا هيلا

    يا أُمِّى هيلا هيلا

    هيلا

    هيلا

    هيلا



    هيلا وهيلا يا ابو السُّرة كُجْ العين

    تخبر الشّينة من الزّينْ

    تَفُرْز الطّاري من السّاري

    يا ابو السُّرة كُجْ العينْ

    ومدُّو صباعك السّبابي

    قول لي الغَافي يا زول هويْ

    وهوي يا غافي يا زول هويْ

    أرخي الغُردة للعَنّافي

    شِدْ القمري بالحوبابي

    في مسدارنا

    شِلْنا نهارنا

    في إيدنا من ساسو البحر عقدينْ

    مَسَكْنا دَرِبْنا

    وعُمّال الطّمي الصّحونا

    خابرين الدِّروب مرقوبنا في مُشْرع مَسَارب الضّيْ

    لقينا الدُّنيا تترجّانا

    قوقا القِمري

    خَوّى صقيْر

    وعَوّى حِدَيْ

    وكُنّا جماعة

    دابّات الأرض والسّايمة

    عَوّامة البحر والطّيرْ

    وحتى الغيمة قصّاصة الأَتَرْ

    فوق راسنا شايفة الدّربْ

    ضِنيب اليَانْكي

    قال القمري لي الضُّليلة :

    خَلِّكْ صاحية زوغ اليانكي لا يودِّرنا

    قال الدّابي :

    إن يغباها ما بيغباني

    ولمّا الشّمْ مودِّعة غاربة

    وَصّتْ جملة الصّقّار عيونهنْ كَارْبة :

    أبقو أَلِفْ

    بَفوت لي المِتْلَكُنْ ناهضينْ



    وفوق ديناب عريباً غادي

    قال السِّحْلي لا تغشوهو

    ديل عُربانْ توابع اليانكي

    وخَلُّوها العريب الغايبة

    السّراقْ طبيقو معاهو

    تيجاناً عروشها الخروعْ ..

    الهَشْ ..

    العَويشْ

    الناّر تَعَلِّبْ فوق عُقَال العَرْشْ

    ولا خَسّانا بي هادي العروش الهـُرْبة

    يا ابو السُّرة .. لا عَقّالْ

    مَسَكنا دربنا

    والشمس البتوقد فوقنا



    ولمّ لميمنا

    لمّ لميمنا والشّمش البتوقد فوقنا

    شدّ شديدنا لا التِّمثال مَشيّلْ روقنا

    عَالَم حُرْ يدوعِلْ فوقنا

    لي يوم سوقنا

    نبصُق فيهو .. في عينيهو جَرْ واسوقنا



    يا شمسي طِلِّي .. طِلِّي

    شاوري عَ بيتي دِليِّ

    كَيّال الكيل .. ختياري ماتْ

    ظِلِّي عَمْ يحرس ظِلِّي

    عَادِلْ عَ خَييّ ميلي

    خَييّ ما يحمل شَيلي

    ما خَفّ الشّيلْ

    تاني المرّات ناطِرْ رصّاصِي سيلي

    عيني في الفيل ما ظِلّه

    كِلْنا ندريه ما نضِلّه

    يا ويل الويلْ

    نرمي الجمرات عَدِّ المستشْهِدْ كِلّه

    نرمي الجمرات عَدِّ المستشْهِدْ كِلّه



    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 6 يناير - 3:51


    بعد الرحيل


    بعد الرحيل برجاك فوق هدب السنين
    برجاك عيد فجر الليالي الفيها بحلم بيك يقين
    عشمان أعيش لامن أشوفك في الدروب
    شمعة فرح بسمة للعمر الحــزين



    بعدك رحل فرح الفواصــل
    وفي الحروف ذغرد جـــرح
    ذان الجبـــين
    وارتجف قلم الشعـــر
    فوق الورق فجر أساي
    صرخة حـــرف
    حسره وأنيـــن



    والرحيق هجر البنفسج
    والفراش بكي في ارتحالو
    وانسكب عطر الأماني
    فوق حقول الإحتمــال
    ماتت أنفاس الأغاني
    وقالت الفرحة الســلام
    وفي العيون الحسرة طافــت
    غاب فنار الإبتســام




    مكتوب علي أحمل أساي
    أرحل أطوف بين الحروف
    أمسح فرح وأكتب جرح
    حافظ هواك رغم الظروف




    ومهما طال الإنتظار
    تلقيني واقف منتظر
    جوه في نبض الحروف
    راجيك لما ترجعي للديار
    تهدي للعمر إبتسامه
    وليك تتقال القصائد
    بيك تتحدد خطاي
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 6 يناير - 3:54

    أمونة
    محمد طه القدال
    ---------------
    ما ضهبت اقول لقيتك
    وانتى فى كل الخواتم والمياتم
    والنجيمات والعواتم
    ما حزنت اقول بكيتك
    نحن فى حزن المخاليق
    والمغنين المطاليق
    الفرح جاييك وعد
    غنوة اولاد التحاريك
    السعد ولا البعد
    البعد ولا السعد
    كنتى فى ليل الخوابى
    تهاتى بينات الطوابى
    تحاكى جقليب السعى
    الجنيات خلو حجرك ريح يفوفى
    وعين مزرزرة من شقى الفرح المرابى
    ومنية الوعد الدعى
    يا ديارى الوين ....أنى
    تور عفين الشين .....أنى
    ما اضينة وزين انى
    تور عفين الشين انى
    وانت فى شوفك تخاتل رفة الطير والحفيف
    وانت فى خوفك تكاتل عينة الجلبت خريف
    وانت فى لالوبة مصلبة البنيات
    النسيمات الهفيف
    وانت فى لالوبة مشنقة الوليدات
    ناس نجومى ومحبس النفس الرهيف
    بطنك كرشت غى البنات نافى
    دقنك حمست جلدك خرش مافى
    وكت الوهم نافيت .. صدق الوعد جافى
    وكت العلم جافيت .. مر الصدق وافى
    وكنا بنشيل الغباين والاناشيد
    جهدية الاورطية
    جهدية الحلبونا
    شدو جمالم جونا
    حلبنا ليهم سمسم
    والسمسم ما كفاهم
    جلبنالهم سعية
    وجينا للبقعة ام قبايل
    سيل من الوادى الكبير
    الكفيف شايل الكسيح
    يا عيون ود الضكير
    واحدة من توشكى
    تقلع
    تانى تقلع فى المطامير
    يا جبة الدرويش
    البابا بسل العيش الله بسلا
    والبابا خدمة الديش الله بسلا
    البابا القول بى شويش
    يا عيون ود الضكير
    عماك فى حقك ديه
    لى زمنا مو جهدية
    جهدية الاورطية
    جهدية الحلبونا
    شدو جمالم جونا
    وحلبنا ليهم سمسم
    والسمسم ما كفاهم
    جلبنالهم سعية
    يا عيونى شن بتشوفى
    ويا امونة شن بتشوقى
    شدرا تال اليمامة
    ولا الصقر الحمامة
    ولا البطن التفوفى
    يا امونة شن بتشوفى
    ويا عيونى شن بتشوفى
    جهدية وسيف وراية
    تبروقة وخيل وشاية
    اذان بالجوع اذن لى
    ام خوفك فايت خوفى
    يا امونة شن بتشوفى
    ويا عيونى شن بتشوفى
    تلت التلاتة شلق
    تانى التلات محلق
    والتالت جا يبشرنى
    سرقوهو الدايرين حتوفى
    يا امونة شن بتشوفى
    ويا عيونى شن بتشوفى
    شايفة الدموم واللمة
    بين الدقون والعمة
    ولانى فوق معلق
    صقر الحدى مندوفى
    يا عيونى شن بتشوفى
    ويا امونة شن بتشوفى
    ساجور2010
    ساجور2010
    عضو برونزى
    عضو برونزى


    ذكر عدد الرسائل : 844
    العمر : 42
    الموقع : السودان
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Unknow10
    الاوسمة : روائع الاستاذ محمد طه القدال Nashatgf1
    نقاط : 933
    تاريخ التسجيل : 09/03/2010

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف ساجور2010 الثلاثاء 9 مارس - 10:18

    روعه يا عثمان
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 35
    الموقع : الخرطوم
    العمل/الترفيه : مهندس
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Engine10
    الاوسمة : روائع الاستاذ محمد طه القدال Empty
    نقاط : 819
    تاريخ التسجيل : 11/11/2008

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف osman الثلاثاء 9 مارس - 10:35

    ساجور2010 كتب:روعه يا عثمان

    الروعة دائما تكمن عند من يعرفها........ ساجور.... مرور قلمك اروع
    حسن ارابيسك
    حسن ارابيسك
    كيار الشخصيات
    كيار الشخصيات


    ذكر عدد الرسائل : 607
    العمر : 43
    العمل/الترفيه : مهنة المتاعب التي تبحث عنك
    المزاج : مركب علي الله
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Doctor10
    الاوسمة : روائع الاستاذ محمد طه القدال Empty
    نقاط : 750
    تاريخ التسجيل : 02/05/2009

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف حسن ارابيسك الثلاثاء 9 مارس - 10:46

    أختا الرمله ما تقع البكان الهش.. دي الممطوره ما بتبالي من الرش ....القدال دوما يقدل بيننا باللفظ السهل العسير
    ساجور2010
    ساجور2010
    عضو برونزى
    عضو برونزى


    ذكر عدد الرسائل : 844
    العمر : 42
    الموقع : السودان
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Unknow10
    الاوسمة : روائع الاستاذ محمد طه القدال Nashatgf1
    نقاط : 933
    تاريخ التسجيل : 09/03/2010

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف ساجور2010 الثلاثاء 9 مارس - 10:52

    القدال وحميد والدوش
    ومن ثم ياتي الاخرون
    ود الهلاليه
    ود الهلاليه
    عضو برونزى
    عضو برونزى


    ذكر عدد الرسائل : 570
    العمر : 31
    علم الدولة : روائع الاستاذ محمد طه القدال SudanC
    المهنة : روائع الاستاذ محمد طه القدال Studen10
    نقاط : 680
    تاريخ التسجيل : 13/07/2011

    روائع الاستاذ محمد طه القدال Empty رد: روائع الاستاذ محمد طه القدال

    مُساهمة من طرف ود الهلاليه الخميس 14 يوليو - 6:51

    مشكووور

      الوقت/التاريخ الآن هو الخميس 28 مارس - 12:24