منتديات المستقبل السودانية

الزائر الكريم منورنـا في منتديات المستقبل السودانية .. نتشرف بزيارتك ولكن سوف نتشرف أكثر بتسجيلك معانا

المواضيع الأخيرة

» الدبلوم المهني: (إدارة التدريب) أربعة أسابيع تدريبية-اسطنبول –تركيا 17 يوليو2016 م
الأحد 1 مايو - 10:26 من طرف محمد أحمد سويلم

» مؤتمر الخطط الوطنية للتدريب
الثلاثاء 15 مارس - 7:48 من طرف محمد أحمد سويلم

» فعاليات الاتحاد العربي لتنمية الموارد البشرية خلال شهر ابريل 2016م
الأربعاء 27 يناير - 9:38 من طرف محمد أحمد سويلم

» المؤتمر العربي الثاني: (تنظيم وتخطيط القوى العاملة) الإعداد والتوطين اسطنبول-تركيـــــا27-30 مارس 2016م
الأحد 10 يناير - 9:33 من طرف محمد أحمد سويلم

» فعاليات وبرامج الاتحاد العربي لتنمية الموارد البشرية مارس 2016
السبت 2 يناير - 8:00 من طرف محمد أحمد سويلم

» المؤتمر العربي السادس تكنولوجيــــا المـــــوارد البشريـــة ...التدريب وتطوير المسار الوظيفي
الإثنين 26 أكتوبر - 7:20 من طرف محمد أحمد سويلم

» شارك للفوز ب 1000 درهم
الثلاثاء 18 أغسطس - 14:44 من طرف sid000

» بالقاهرة يعقد مؤتمر (إدارة المدن الكبرى. تكنولوجيا التخطيط العمراني)
الثلاثاء 30 يونيو - 14:29 من طرف محمد أحمد سويلم

»  هدية نقدية بقيمة 1000 درهم مغربية من موقع حيلة
الجمعة 19 يونيو - 10:34 من طرف sid000

» فرصة العمر ( لا تفوتك)
الأربعاء 20 مايو - 2:15 من طرف foaw2000

» مكتبة الفنان محمود عبدالعزيز
الثلاثاء 19 مايو - 9:05 من طرف بابو الزبير

» أحاديث صحيحة 9
الأربعاء 29 أبريل - 11:48 من طرف foaw2000

» المؤتمر العربي الثاني: (إدارة المدن الكبرى. تكنولوجيا التخطيط العمراني) اسطنبول-تركيا 16 -18أغسطس2015م
الثلاثاء 28 أبريل - 7:45 من طرف محمد أحمد سويلم

» نداءات السورمن الحشر إلى التحريم
الثلاثاء 21 أبريل - 11:53 من طرف foaw2000

»  المؤتمر العربي الأول: (السلام في المؤسسات الحكومية) اسطنبول – تركيا 24 -28 مايو 2015
الإثنين 6 أبريل - 2:09 من طرف محمد أحمد سويلم


    الرائع اسحاق الحلنقي

    شاطر

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:12

    توعدنا وتبخل بالصورة

    يا غنوتنا


    يا بهجتنا

    ويا مسا عيونا المبهورة

    ما نحن بطبعنا ناس طيبين

    غلطاتك عندنا مغفورة

    يا نسمة في عز الصيف هبت

    يا روح الروح

    يا آمالا

    إن جيت تطلبنا بضي العين

    مابنقدر نحن نقول

    لا لا


    العين مابتعلا على الحاجب

    وعزيز الروح مابتعالا

    لو نحن بكينا على الصورة

    سامح دمعتنا المعذورة

    ما نحن بطبعنا ناس طيبين

    غلطاتك عندنا مغفورة

    الكلمة الحلوة الفي قلبك

    وحياتك ماتعاند قولا

    خلينا نصابح بيها العيد

    نرحل لعوالم مجهولة

    لو نحن مقامك ماقدرو

    أعذارك عندنا مقبولة

    روعة سحر الأسطورة

    يا سمحتنا الما بنطولة

    لو نحن مقامك ماقدرو

    أعذارك عندنا مقبولة

    بنحبك نحن وما قادرين

    أبدا عن حبك نتخلا

    نتخلا عن الوجه البشبه

    ضي القمرة الناعس طلا

    كل الآمال الل يخليك

    ويحرسك من عين الناس الله

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:14

    اعذريني
    الشاعر اسحق الحلنقي

    ::::::::::

    أعذريني الدمعة ديّه...حتبقى آخر دمعة ليّه....
    تاني لو قربت مني.....يبقى ليك الحق عليّ....

    أعذريني محال أعاود....تاني ريدتك وأمشي ليها..
    ولا أرحل في عيونك....والطفولة الضاجّة فيها....
    كيفك أريدك وانتي أصلك....ريدتي ما حسيتي بيها..
    بالبعاد ما تعذبيني......أعذريني وأعذريني.....

    ما قدرت مرة واحدة......بالغلط أغلط عليك.....
    وانتي عمرك كلو ظالمة.....والدليل غفراني ليك...
    عارفو قلبك ما معاي.....برضي شاغل قلبي بيك.....
    بالحنان ما تعشميني......أعذريني وأعذريني.....

    من زمان وأنا راجي منك....كلمة بيها تفرحيني.....
    وانتي ما فرحت قلبي......كنت ديمة تجرحيني......
    قسمة الزول ما بتفوتو....والبجيني معاك بجيني....
    لو بكت منك عيوني......سامحيها وأعذريني

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:16

    دوري

    اسحق الحلنقي

    ::::::::::::

    دوري دوري

    يا أيام يا أشواق عدينا

    نحن الليلة للحبان

    من سفرا بعيد جينا


    على رمل الطريق من بيتنا

    جابنا الشوق في سكتكم

    وصح الذكريات فينا

    مواكب الغيم لحارتكم

    بعد ما قلنا نحن نسينا

    ايه ذكرنا سيرتكم

    وحاة عزتكم الفي قلوبنا

    ياحلوين تطلونا

    افتحو لينا احضانكم

    بعد توادنا لمونا

    قالو الفرقة بتغير

    خايفين بكرة تنسونا

    صبح رمل الطريق حزنان

    عليهم متين تلاقونا

    طفنا الحي مشيناهو

    فوقنا سحابة حزنانة

    هناك لاقونا ناس سألونا

    إيه عاملين في دنيانا

    وجات سيرتكم الحلوة

    بأحلى عبير كريحانة

    واخفت بينا ذكراكم

    ودنياكم مفارقانا

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:17

    بتتعلم من الايام

    اسحق الحلنقي

    ::::::::::::::::::

    بتتعلم من الأيام ... مصيرك بكرة تتعـلم
    وتعرف كيف يكون الريد وليه الناس بتتألم

    متين عرف الهوي قلبك متين صابك بآهاته
    متيـن ليل سهر عيونـك ليلا طويلة ساعاته
    وحاتــك لســه ما بتقدر تقاسم قلبي دقاته

    أقابلك وكلي حنية وأخاف من نظرتك لـيّـا
    وأخـاف شوق العمر كله يفاجئك يوم في عينيّا
    وراء البسمات كتمت دموع بكيت من غير تحس بيّا

    وبكره الريد بدون مواعيد يزورك ياحياه عمري
    وتقول ياريتني لو حبيت زمان من بدري
    تعال فرح ليالينا تعال قبل السنين تجري

    وبتتعلم من الأيام ... مصيرك بكرة تتعـلم
    وتعرف كيف يكون الريد وليه الناس بتتألم

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:19

    صفق العنب

    الشاعر : اسحق الحلنقي

    ::::::::::::::::

    على صفق العنب اسمين
    كتبناهم بدمع العين
    ومرت بينا غيم الفرقة
    واتفارقنا مجبورين
    ولما رجعنا من غربتنا
    فرحانين مع العايدين
    لقينا الريح محا الذكري
    بكينا على ضياع اسمين

    كتبناها الاسامي زمان
    وتشهدى يا ضفاف النيل
    طفولتنا القضيناها
    زغاريد فرحة شاقة الليل
    سنينا تضوى بي الامال
    وكل العشناه زاهى جميل
    وماشين فى دروب الريد
    نغنى والاماسي تشيل
    جاتنا الفرقة زايرة ديارنا
    بى ليلا الى ما يندار
    بقت فينا شالت زهرتا نضار
    ساعة الدار
    خلت بينا نار وشمعة
    لاحظ شمعة يانوار
    سواقينا الحزينة بكت
    على الريد الولفنا زمان

    كبرنا الليلة جينا نشوف
    حكاية حزينة لى قلبين
    كنا زمان رسمناهم
    على صفق العنب اسمين
    كنا زمان رسمناهم
    على صفق العنب قلبين
    على صفق العنب طفلين
    قايلين نلقى ماضى الذكري
    فوقنا يلالى زى نجمين
    لقينا الريح محا الذكري
    بكينا على ضياع اسمين

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:20

    الشمس

    اسحق الحلنقى

    صدق أمس ..

    شفت الشمس

    بضوى فى حفلة عرس

    وطبعا ده اصلو المستحيل

    تطلع شمس والدنيا ليل

    لكن وحات وطنى الجميل

    والخضره والظل الظليل

    شفت الشمس بعيونى ديل

    فى الحفلة بتغنى وتشيل

    شفنا العريس قام قوًمها

    حلف عليها وخصمها

    بس رقصة واحدة تقدمها

    واتدللت متبسمه ...

    قامت عزيزه مكرمه ..

    وبى خطوه حالمه منغمه

    الخطوه جات متقسمه

    خلت قلوبنا مقسمه ..

    دى هديه جاتنا من السما

    وحفلتنا بيها .. بنختمها

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:21

    اقابلـك

    الشاعر اسحق الحلنقي

    أقابلك
    في زمن ماشي
    وزمن جاي
    وزمن لسة
    بشوف الماضي فيك باكر
    أريت باكر يكون هسة

    وقصر طول مشاويرنا
    ورقش بالفرح جلسة على النيل
    والقمر مرات يبين في الموج ويدسة
    ونحن نقابلو زي طفلين
    كلامم كلو بالهمسة
    وزي عصفورة قلبها دابو حنة
    وبالولف حسَّ

    أي عيون بتتقابل
    إلا عينيكي ما بتتفات
    في عينيك بتوه
    كيفن في حلاة البسمة في القاسيات
    وعطر الصندل المستني
    يفرح بيكي فرحتو جات
    وحاتك خلي منو شوية
    شان يتكاحل السمحات

    بلاك النجمة
    لا بتتعلا لا بتتدلا
    فوقا هلال
    عليكي الريدة طلي علينا
    يالختينا فيكي آمال
    تجينا فرح ترفرفي فوقنا
    نستناكي بالموال
    والشوق بيني بينك انتي
    زي ماتقول نظرة طال

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:22

    رحتا خليتنا

    اسحق الحلنقى
    ::::::::::

    رحتا خليتنا
    تاني ما جيتنا
    لو مغالطنا ما مصدقنا
    اسال العنبه الراميه فوق بيتنا
    خاينا يا دنيا
    وقاسيا يا دنيا
    قلنا نصبر
    لا لا لا ما بنقدر
    مالصبر قاسي
    والمحبه قدر
    خاينه يا دنيا وقاسيا يا دنيا

    الزمن غدار
    ظلمه ما بندار
    حني يا دنيا
    واقبلي الاعذار
    خاينه يا دنيا
    وقاسيه يادنيا
    قاسيه يا دنيا
    وخاينه يا دنيا
    قلنا يا قمره سافري من بكره
    ختي في قلبو صورت الذكره
    خاينه يا دنيا
    وظالمه يا دنيا
    انت عارف الغذاب شفنه
    والشقه وغشنا

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:23

    أصلو ما ممكن
    كلمات اسحق الحلنقي
    ::::::::::::::::::::::

    ممكن وللا ما ممكن
    أسيبك اصلو ما ممكن
    اسيبك كيف بعد ريدك
    صبح من روحي متمكن
    ****
    ممكن تختفي الأبراج
    ويبقى النيل بدون أمواج
    يغيب الكوكب الوهاج
    وتبقى الزهرة من غير تاج
    عارف شوقي ما بهدن
    واسيبك أصلو ما ممكن
    ****
    ممكن يرحلوا النيلين
    ويمشوا يهاجروا مغتربين
    وممكن يجرح الياسمين
    والزيتون يجافي التين
    إلا الأصلو ما ممكن
    نعيش انا وانت مفترقين
    ممكن أي حاجة تكون
    وحرف النون يكون ما نون
    وممكن تاني يظهر لون
    يضيع لون دهب شيبون
    إلا الأصلو ما ممكن
    غلاوتك عندي مرة تهون

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:24

    جاي تاني
    كلمات اسحق الحلنقي
    تغنى بها الفنان خالد محجوب ( الصحافة)
    ...................

    جاى تانى ...
    جاى تسأل عن حنانى ..
    ما خلاص اصبح حكاوى ..
    و اللى فات بقى عهد فانى ..

    جاى تتوسل و ترجى الزمن ..
    يجمعنا تانى ..
    لا لا ما تصدق مشاعرك ..
    شلت سيرتك ..من لسانى ..

    ياما قاسمتك سرورى ..
    و فيك بديت نظم المعانى ..
    كنت بستناها جيتك ..
    كنت بحلم بالامانى ..
    من امس بستنى ..بكرة ...
    يا الرجيتك كل زمانى ..
    جيت لقيتك خنت ودى ..
    صد قلبك و ما طرانى ...,

    جاى تانى ...

    جاى يا الفُتّ و رميتنى ..
    جاى تشمت .. فى رفاتى ,,
    ماخلاص اخترت غيرى ..
    ناسى اجمل ذكرياتى ..
    شلت من صوتى الاغانى ..
    كل ماضى .. و كل آت..
    و الحقيقة بقت خديعة ..
    فيها ضاعت امسياتى ..

    جاتى تانى

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:25

    اعز الناس
    اسحق الحلنقى

    ::::::::::::::

    يا أعز الناس حبايبك نحن
    زدنا قليل حنان
    دا العمر زادت غلاوتو معاك
    وصالحني الزمان
    يا أحن الناس حنان

    كنت من قبلك
    بشيل الليل دموع
    واطويه هم
    انا كنت بخشى
    على الأماني الطفلة
    يفنيها العدم
    وجيت لقيتك بين قلبي دموع
    وغنيتك نغم

    يا حبيب
    ورد الأماني
    الفي أعماقي فتح
    وابتدا القلب
    العاش العمر في آهاتو
    يفرح
    والزمن ماظنو بعدك انت
    يرجع تاني يجرح

    نامت أحزان عمري
    غنى زماني
    واتلاشت صعاب
    أنا قبلك الأيام
    قضيتا سراب
    يسلمني السراب
    وبيك طويت من عمري
    صفحة ماضي مكتوب بالعذاب

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:26

    وعد النوار
    كلمات: الحلنقى
    اداء : محمد الأمين
    ياريت من أول وريتنا إنك يمكن تتأخر يوم
    كان غايتو إطمنّا شويه وبحرك ياليل ما طفنا نجوم
    بيقولو الغايب عذره معاه وفى غيابك ياما نشيل اللوم
    *****************
    مرت لحظات وكمان ساعات طالت وحياتك منتظرين
    لو وشوش صوت الريح فى الباب يسبقنا الشوق قبل العينين
    ونعاين الشارع نلقاه تائه فى دموع المغلوبين
    *****************
    العيد الجاب الناس لينا ما جابك
    يعنى نسيتنا خلاص
    مع إنك إنت الخليتنا نغنى الحب ذكرى وإخلاص
    صبحت دمعتنا وسادتنا كدى حاول اعرف لينا خلاص
    *****************
    شال النوار ظلل بيتنا
    من بهجة وعدك ماجيتنا
    وفضلنا وحاتك منتظرين
    شوف وين روحتنا وديتنا ... وين

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:27

    غربه وشوق
    كلمات: الحلنقى
    اداء : محمد الأمين


    جيناكم يا حبايبنا بعد غربه وشوق
    نغالب فيهو ويغالبنا
    ونكتم آه تظهر آه تتعبنا
    حنين لِشوفة الغالين مدوبنا
    بعد غربه وشوق
    هناك غربتنا ما هنتنا يا حلوين
    هناك الهم بدل واحد يبين همين
    ومهما قلوبنا تتأوه سنين وسنين
    مصيرو الحى يلاقى حبايبو لو صادقين
    سماع اهلاً من الأحباب شروق آمال
    ووصف البهجة بالكلمات محال يتقال
    حلاوة العودة غنيناها فى موال
    تحكى عن الولف وأصلو الولف كتال

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:28

    اسحق الحلنقى
    حبيت عشانك كسلا
    ............................
    ظلم الزمان الخاني يا ريتو لو كان خـانك
    ليه جرت واتنكرتي ليه لي الساب ديارو عشانك
    قدر عشانك كسلا
    حبيت عشانك كسلا وخليت دياري عشانها
    واخترت ارض التاكا الشـاربه من ريحانها
    كلمني قوليها فاكر ليالي القاش
    لمن الحنين عاودني بعطفك الجـياش
    جفيت حبيب ما خانك من نور بسيمتك عاش
    انا تاني ما بتلقاني يوم في طريقك مــاش
    قاصد مكان في كسلا
    حبيت عشانك كسلا وخليت دياري عشانها
    واخترت ارض التاكا الشـاربه من ريحانها
    صوت السواقي الحاني ذكرني ماضي بعيد
    وعلى الرمال آثارك طرتني ليلة عيد
    المني قلبك ينسا يرفس غلاوة الريد
    باقي الطريق بمشـيهو خليني فيهو وحيد
    والحب عذاب في كسلا
    حبيت عشانك كسلا وخليت دياري عشانها
    واخترت ارض التاكا الشاربه من ريحانها
    فرحـت ليالي الريد نداوة البسمات
    خلتني أبكى
    حبيت عشانك كسلا وخليت دياري عشانها
    واخترت ارض التاكا الشاربه من ريحانها

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:30

    اسحق الحلنقى
    الراقي
    ....................
    أنا كنت في يوم بتساءل
    كيف ممكن راقي أكون
    هل يكفي لباس عالموضة
    وعدسات توضع في عيون
    تصفيف للشعر الأشقر
    تنميق في الصوت وليون
    كعويج في المشية تمايل
    وأحاكي التلفزيون
    *****
    قول لي بالله يا صحبي
    لو عاوز أصبح راقي
    كيف ممكن يعني أكون
    *****
    أترك لكل عاداتنا
    أظهر زي شعب أوربا
    وأخلى عملنا المنتج
    الليل أقضيه في الرّبة
    أتعامل باستفزاز
    من غير لا ذوق لا محبة
    أترك لكل قيمنا
    وأعيش تحقيق للرغبة
    *****
    قول لي بالله يا صحبي
    لو عاوز أصبح راقي
    كيف ممكن يعني أكون
    *****
    لو أسمع زول ينصحني
    أقول للزول براي
    لو واحد جاني بفكرة
    تنظيرو كتير (يااااي)
    لا أقبل أصلو نصيحة
    لا أغيِّر أبداً راي
    أتعامل بس بسخافة
    ما يهم الراح والجاي
    *****
    قول لي بالله يا صحبي
    لو عاوز أصبح راقي
    كيف ممكن يعني أكون
    *****
    الأكل يكون بالشوكة
    والشعر يكون باروكة
    أستعمل مايكرويف
    وأنسى حكاية الدوكة
    أعزف أورقن وكمان
    وأكسر للدلوكة
    أستحقر بيت الطين
    ما أركب في الفلوكة
    *****
    قول لي بالله يا صحبي
    لو عاوز أصبح راقي
    كيف ممكن يعني أكون
    *****
    أحمل موبايل باندة
    وأسمي المولود رندة
    ما أذكر اسم راكوبة
    أعمل سراميك في برندة
    أتنكر لي حارتنا
    وما أصاحب ناس أم بدة
    بيتنا في الحاج يوسف
    وأقول ما بعرف الوحدة
    *****
    قول لي بالله يا صحبي
    لو عاوز أصبح راقي
    كيف ممكن يعني أكون
    *****
    أسمع لراغب وكاظم
    لي نص الليل ما نايم
    أجهل كل شيء عن ديني
    وفي رمضان ما صايم
    ما أصلي فرض لربي
    فوق الشهوات بس هايم
    ثقافتي فنون وملابس
    باقي الأحداث ما عالم
    *****

    قول لي بالله يا صحبي
    العاوز يصبح راقي
    كيف ممكن يعني يكون
    *****
    يكتب إي ميل في كرتو
    ما يهم ما يقرا رسايلو
    ويشيل (لاب توب) في يدو
    وظيفتو يكون بس شايلو
    يسوقلو كلب بجنبو
    ويعجب بكل عمايلو
    لو يدخل مسجد يصلي
    يزعجنا نغم موبايلو
    *****
    قول لي بالله يا صحبي
    العاوز يصبح راقي
    كيف ممكن يعني يكون
    *****
    ما يعرف شيء عن جارو
    دايماً مشغول في حالو
    لا مرتو تزور جاراته
    لا جارهم يخدمو عيالو
    الدش شاغل أوقاتو
    في القنوات كم جالو
    ما فادهم شيء في دينهم
    لكل مفاسد شالو
    *****
    قول لي بالله يا صحبي
    أنا عاوز أصبح راقي
    كيف ممكن يعني أكون

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:31

    فايت مروح وين ما لسه الزمن بدرى
    اسحق الحلنقى
    *****
    فايت مروح وين وين ما لسه الزمن بدرى
    خليك شوية معاى عشان جنبك يطول عمرى

    دار الفرح والريد تلقانى من اهلا
    لى الما بيعرف طيبة شباب كسلا
    بين الضفائر بان وجه القمر طلا
    وكيف قلبى يتصبر صبرنى يا الله
    فايت مروح وين
    يا اجمل الحلوين يا احلى ياسمينا
    ما لينا غيرك اهل انت الاهل لينا
    لمتين مراكبنا ترسى وترسينا
    على وادى اسمو القاش والغيم حوالينا
    على نسمتك يا قاش بالريد تعدينا
    فايت مروح وين
    باقى الجميل تموا اصلو العمر مرّ
    وانا كم صبرتا معاك فى الحلوة والمرة
    اطرح جبينك لى خليهو ينفرّ
    وانت البيدور ضرك انشاء الله ينضرّ
    فايت مروح وين
    يلاك بعيد نرحل على دنيا حنية
    نعيش لوحدينا والسيرة منسية
    واوسدك قلبى وارعاك بعينيا
    واسقيك مياه توتيل عشان تعود ليا
    فايت مروح وين سايبنى رايح وين
    لسه الوكت بدرى
    خليك شوية عشان جنبك يطول عمرى
    عارف الولف كتال وانا قلتا عزرى
    وارحم بخاطرى انا ارحم تعب قلبى

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:33

    وقفة على قبر تاجوج
    الشاعر : اسحق الحلنقي

    اليوم عدت اليك يا كســـــــــــلا
    وبمقلتى تعاسة المتــــــغــــرب
    فى كل شبر ضجة وتأســــــــــف
    أنكرت بعدى جفوتى وتغربى
    أنا ان رجعت الى غد لاتأســـفى
    فالمجد بعض من فضائل مذهبى
    هذى الجبال عبادتى فى صمـتها
    شمخت كمحبوب عزيز المطلب
    وبقبر تاجوج اصطحبت عبادتى
    صليت فى قبر جريح متعــــب
    والقاش ممتـد بعينى هــــــائم
    بسط الذراع يلم لون المـــغرب

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:34

    امرك ياقدر
    الشاعر اسحق الحلنقي
    غناء الفنان صلاح مصطفي
    ...........................
    مشي امرك ياقدر انت احكامك مطاعه
    لوحصل نحن افترقنا والليالي الهم اضاعا
    همسة الذكرى المعاي تبقى زاد روحي ومتاعا
    *****
    الزمن كان مبتسم والليالي جميله حالمه
    كانت الايام بتمضي حلوه ريانه ومسالمه
    لا اشتكينا من الزمن لا لا التقينا في لحظه ظالمه
    بي حنانا الدنيا كانت ياحبيب العمر عالمه
    ******
    فجأه من غير نحن نشعر يافراق طليت علينا
    واصبحت كل الليالي الطيبه والايام حزينه
    وارتسم ظل في جبين ايامنا ظل آهات سجينه
    كان طريق مكتوب نسيرو نحن سرناهو ومشينا
    *******
    عدت من بعدك رجعت عشت متغرب وحيد
    وابتديت اشعر بزهر العمر بيتساقط بعيد
    ياحليلك انت والايام ربيع اخضر سعيد
    كنت ببكي عليك بعمري والدموع بس ما بتفيد

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:35

    المشكلة
    اسحق الحلنقي

    الروح تروح ما مشكلة وتزيد جروحي علي جروح مامشكلة
    المشكلة ريدتك بقت هي المشكلة وأديني حل للمشكلة

    ينسي الفراش عطر الربيع ما مشكلة
    وينسي الوديع زولو الوديع ما مشكلة


    الشاري لو فكر يبيع لو ضاعت الأعمار تضيع ما مشكلة
    المشكلة ريدتك بقت هي المشكلة وأديني حل للمشكلة

    لا تبين شمس لا يهل قمر ما مشكلة
    يبقي السحاب من غير مطر ما مشكلة


    يرموني في نص البحر لا يجيبو لي الناس خبر مامشكلة
    المشكلة ريدتك بقت هي المشكلة وأديني حل للمشكلة

    لو هز صمت الليل برق ما مشكلة
    والقاش رحل خلاّ الشرق ما مشكلة


    لو عمري بالشوق يحترق ولو رحت ماجبت الفرق ما مشكلة
    المشكلة ريدتك بقت هي المشكلة وأديني حل للمشكلة

    الدنيا تبقي بدون جليس ما مشكلة
    وتبقي الليالي بدون ونيس ما مشكلة


    لو تنسي ليلي حبيبها قيس تنسي العروس اسم العريس ما مشكلة
    المشكلة ريدتك بقت هي المشكلة وأديني حل للمشكلة

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:36

    وسط الدايرة
    اسحق الحلنقي

    وسط الدايرة أجمل نايرة
    خلي قلوبنا تطير
    وارحلي بينا فراشة حنينة
    بين زينات وعبير
    ولما الخصلة تدور طربانة
    تبقي حرير في حرير
    فرحي خلق الله واتّنّي ياشبه القمرة
    وارقصي رشي عبيرك فينا وفتحي يا زهرة

    أرقصي زيدي الساحة سماحة
    نحن معاك نشيل
    نغني غناوي ..نحكي حكاوي
    لما ندوب في الليل
    لا ترتاحي لا تريحينا
    لسة الوقت طويل

    عمرك كل فرح يا زينة
    شيلي من الأفراح وادينا
    راقصي البسمة راقصي النسمة
    خلي الموجة تدور بينا
    أوعي تهدي
    كمان اتحدي
    يلا جميلك تمي علينا علينا

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:37

    اسمعنا مرة

    الشاعر إسحق الحلنقي


    اسمعنا مره وحاتنا عندك اسمعنا مره
    الدنيا تبقى مافيها مره
    والكون يلالي بهجه ومسره
    حن في عمرنا كايسنو مره
    وان قلت لا لا هم واستمره

    ان درنا نشكي وين نشكي ليكا
    وين نلقى دنيا تجمعنا بيكا
    كنت بتجينا ياحليل مجيكا
    وان ضاع عمرنا محسوب عليكا

    انت البتنهي وانت البتأمر
    ان قلت نشقى نشقى وان قلت نصبر
    زي الفراشه في سمانا تخطر
    نادر وجودك في الدنيا يندر

    نحن المشاعر جنات حبيبه
    بسمتنا راحه وعالمنا طيبه
    دايرين عيونك تصبح قريبه
    شان كل حلوه في الكون نجيب

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:39

    اسحق الحلنقى
    قطر الندى
    *******

    الريد جو قلبي بحبك بدا
    ياطيبة حياتي يا قطر الندي
    ما كان في خيالي تتنكر كدا
    أيامن الجميلة ليه بتنكدا
    جربت هواهم
    قليبي انكوى
    تاريهم جاروا
    وماصانو الهوى
    حاولت اسيبك واتناسى المضى
    أيامك معاي ساعات الرضى
    المكتوب علي أنا قلبي ارتضى
    ياريت الليالي عطفو يعوضا
    جربت هواهم
    قليبي انكوى
    تاريهم جارو
    وماصانو الهوى
    الكلمة الحنينة مشتاق اسمعا
    روحي خلاص جفيتا والشوق لوعا
    الدمعات
    عيوني كيفن تمنعا
    وانا شايف سنيني جورك ضيعا
    جربت هواهم
    قليبي انكوى
    تاريهم جاروا
    وماصانو الهوى
    يومي الشفتك انت حسيت بالهنا
    طويت يا حياتي شمعاتي انا
    بعد الحب دا كلو يا أجمل منى
    لي بكيتني تاني عاودت الضنا
    جربت هواهم
    قليبي انكوى
    تاريهم جاروا
    وماصانو الهوى

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:49

    أحْــلُـم
    في عالمِ عِشقٍ زهريٍ
    أحلم يوماً أن ألقاك
    في لحظة سعدٍ تمتدٌ سنين
    أحلم بالوعد الصادق
    بجمالٍ يملأ أركاني
    يحملني لذراك
    ***
    أحلم أن أحضن تلك الشفتين
    أن أروي ظمئي
    من ماء الثغر وورد الخدين
    أحلم أن تبقي فرحاً يسكنُ
    طول العمر على صدري
    يغمُرني يغرقني في بحر هواك
    يا أجملَ حلمٍ
    ما أروعُ أحلامي حين أراك
    في لحظة صحوٍ أو غمضة عين
    يا أجملَ حبٍ
    كيف لقلبي يسمع عنكِ
    ولا يهواك؟؟
    والقلبُ قتيلٌ السمع
    و سهم العينين
    يا أجملَ أمنيةٍ
    ما أجملُ نفسٍ تتمناك؟؟
    كي تكمٌلَ في معناها وفي التكوين
    جمالُ النفس يسكن ذات النفس
    وجمالُ الكونِ لأن الكونَ حواك
    ***
    أهواك ولا أدري طوعاً أم قِسراً أهواك!!!
    أهواك إذا أحببتْ
    وإذا قررتُ بجدٍ أن أنساك
    ***
    وإذا امتلأت بئري
    واخضّرت ساحاتي
    وأتت كل ظباء الأرض لترعى
    ستجدني أتطلّع لسماك
    ***
    يا أشهق قمم الكون أمامي
    هل لي يوماً أن أصل علاك؟؟
    يا أحلى طعمٍ أرقبه
    هل لي يوماً بمذاقِ حلاك؟؟
    يا أروع أنثى أعرفها
    قلبي يعشقك ونفسي تتمناك
    ***
    كل السعد إذا اقتربت منك خطاي
    وإذا بَعُدتْ مني خطاك... سألقى هلاك
    ***
    قد تعبت في الأسفار ركابي
    ما عادت نفسي تحتملُ خفاك
    فسأدعو إله الكونِ بلا كللٍ
    كي ترسى سفني في مرساك

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:51

    كنوز الدنيا
    كُلُّ ما أحاول أذاكرْ
    بلقى روحي وماني شاعِرْ
    إني لعينيك فاكِرْ
    ألقاك في نص السطور
    بس تقول عنوان وظاهِرْ
    وافضل أعيد في كلامِك وابتسامك
    وأقضي ليلي في ذكراك مساهِر
    ***
    كتير بفكّر أسيبو قربِكْ
    وامشي كورس بعيد أهاجر
    لكني بلقى صدود وجفوة
    وصوت شديد في طبعو قاهر
    يمنعني في هجْرِك أفكّر
    أو يمُر بعقلي خاطر
    ***
    ويوم ما كنتي عن الكورس غايبة
    كان الضجر في عيوني ظاهر
    وماني عارف كيف حأعمل
    لمّ يكمل كورس الرابطة باكر
    ***
    وفي كل لحظة بشوف عيونك
    وفي المنام يا حلوة طيفك يجيني عابر
    بأيه تفسري كل ديّه؟؟؟
    تراني في تفسيرو حاير!!!
    ***
    لو قلت ليك إحساسي حب
    حأبقى زول كذاب وفاجر
    بس بقول لو ممكن أبقى
    صديق قريب ليكِ ومجاور
    أصلو من عاداتي ديمّة
    بعتـز بالأصحاب وافاخر
    ولو بيقولوا معرفة الرجال كنوز
    أنا بصداقتك راح أكون
    لكل كنوز الدنيا حاكِر

    ساجور2010
    عضو برونزى
    عضو برونزى

    ذكر عدد الرسائل : 844
    العمر : 35
    الموقع : السودان
    علم الدولة :
    المهنة :
    الاوسمة :
    نقاط : 933
    تاريخ التسجيل : 09/03/2010

    رد: الرائع اسحاق الحلنقي

    مُساهمة من طرف ساجور2010 في الخميس 8 أبريل - 2:54

    اسحق الحلنقى......
    عيش معاى الحب
    ____________

    عيش معاي الحب عيش معاي حناني
    خليني أنسى سنين عشتهم وحداني

    إيه يضرك تسأل يوم علي يا غالي
    وإنت وحدك عارف همي عارف حالي

    كيف أواصل صبري في الطريق الخالي
    كيف بدونك تصبح اليالي ليالي

    أنا كنت دايما ً بصبر مهما البعاد أضناني
    في قلبي إنت بتكبر تكبر معاك معاني

    برجى الأيام وستنى أمالي بين نيراني
    والهجر مهما يألم يرجع حنانك تاني

    لو كان جفيتني خليتني وحدي برايا
    مع ليلي الوحدة والشوق حنينو معايا

    ما بسيبو غرامك رضيان معاك بشقايا
    وقت الطريقك يوصل أعرف نهايتة خطايا

      الوقت/التاريخ الآن هو الأربعاء 29 يونيو - 1:20