نكـــــــات

واحد مسطول ربي دقنو ودخل المسجد واحد من المصلين شاف الدقن قال اليه: يا مولانا انا جيت المسجد متأخر ولقيت الصلاة فاتتني بركعتين اعمل شنو؟قال ليه: في زول شافك قال ليه : لاقال ليه: اعمل نائم

مسطول سألوه في لقاء تلفزيوني عن سبب سخانه الجو اليومين ديل؟؟رد قال : ده كلو من مشجعين الكوره .. شغالين يقولو فوق فوق سودانا فوق لمن تكلونا مع الشمس.

.بكرة الصباح الساعة تمانية مساء عازمكم غداء في بحري الثورة الحارة العاشرة شارع المطار ما تنسوا الوصف عشان نمشي نعزي الزول ده قالوا أخوه الكبير عرّس (مسطول خاينو التعبير)

مسطول خطيبته قالت ليه عندى انسان فى داخلى بحرك فى مشاعرى قال ليها شنو اللغة الطويلة دى ماتقولى حامل وخلاص

واحد مسطول جابو للقاضي . القاضي قال : قول عشره حاجات تبدأ بحرف البا بتعملا من الصباح بفرج عنك رد المسطول : -بجيبا - بختها - بفتفتا - بلفها - بولعا - بشربا - بتكيف - بنسطل - بطفيها - بنوم[

تقول لي سليتك..تقول لي جفيتك...تقول لي عفصتك..بعفصك وبعفص حنانك دبايب عقارب تداعب بنانك..وكيفن هو حالك؟؟سالت التمرجي البطاطس بيعادي؟؟!!تخيل تجاهل وقبل لي غادي!!(مساطيل عاملين امسية شعريه

واحد سكير يحكي لأصحابه:"أنا لما أشرب أحيانا أسكر من الكأس الأول وأحيانا من التاني وأحيانا من الكاس التالت وبعد مرات اشرب عشرة كاسات ما أسكر. غايتو السكر دا توفيق من الله".

قاليك مسطول بيحكي لصاحبه المسطول والله يامعم لم امبارح مشيت لي سماره اشيل ليك معاه الفاتحه في ابوه المات التاني قاليه ياخي الناس ديل مامسيحيين قاليه ماعشان كده كشحتهم ليك ياايها الكافرون لمن امنو


دي مني انا عشانكم يا ما جاديييييييييييييييين

اتنين دخلوا الجامع يوم الجمعه واحد فيهم كان مسطول ولسوء حظهم الامام ما جاء ناس الجامع شافو المسطول نضييييييييف وبي دقينه قالوا ينفع امام وفعلا قدموهوا عشان يصلي بيهم وفعلا عمل الخطبتين وصلي بالجماعه اها بعد ماطلعوا المسطول سأل صحبوا ( بس رايك فيني شنو عليك الله ما شرفتك ) صحبوا قال ليه انت تمااااااااااااااام بس عندك حبه اغلاط اقولها ليك اولا : المنبر ده عندو سلم مافي داعي تجي متــــلب

تانيا : وقصه السجاره بين الخطبتين دي شنو !!!!

تالثا : والله ما سمعنا بي صحابي اسمــــو (تامـــــر )

رابعا : وبعدين تعال هنا صحيح انو (ابوجهل )ده كان كااااااافر بس كلمه ( ود الحرام ) دي ما كان في داعي ليها في الجامع

وغير كدا احيييييييييييييييييييييييييييييييييييييييييك

ولكم خالص ودي واحترامي ليكم ويارب دايما مبسوطيييييييييييين اخوكم ود التقانة

ود التقانة كتب:واحد مسطول ربي دقنو ودخل المسجد واحد من المصلين شاف الدقن قال اليه: يا مولانا انا جيت المسجد متأخر ولقيت الصلاة فاتتني بركعتين اعمل شنو؟قال ليه: في زول شافك قال ليه : لاقال ليه: اعمل نائم

هاهاهاهاهاهاهاهاهاه ههههههههههاي
لكن مشي الجامع يسوي شنو

أسعدك الله اخي ود التقانه ،،،ومشكور كتير