ماكينات الأولاد في حنك البنات

عايز اقدم ليكم حاجه عشان تعرفوها
انتوا عارفين انوا في 30 جمله 95% من الشباب بقولها
اللي هي شنو شوفوا

حبيبتي انت عارفه انا مابحب حركات الشباب الطايشين ديل انا اصلا ما بكلم بنات
(وتلاقيهو يعرف طوب الارض بنات)
ياااااااااااه يا حبيبتي انا حاسس اني بعرفك من زمان
(وهو تلاقيهو ملخبط بينها وبين بنت كان بعرفها)
حاسس ان فيكي حاجه متغيره غير كل البنات
(يعني مثلا بتمشي علي يديها ورجليها)
انا حاسس انو في شبه كبير بين افكاري وافكارك اكيد نحنا مخلوقين لي بعض
(اكيد دي البنت رقم 100 اللي بقوليها كده وكانو بنات الدنيا كلها مخلوقين عشانو)
حبيبتي انت اول حب في حياتي وانا حاسس اني اتولدت يوم ماشفتك
(علي اساس ان والدته كانت حامل فيهو 20 سنه وولدتو قبل مايشوفها بي يومين)
ياااااااااه يا حبيبتي انت تامري وانا انفذ الانت عايزاهو اجيبو ليك
(في المشمش)
حبيبتي الطقم الانت لابساهو دا تحفه روعه شديد بس ماتلبسي تاني عشان بتبقي حلوه وانا بغير بغير
(طبعا فاهمين الحركات تلقاهو ما عاجبو اصلا)
حصل البيت واتكلم مع ابوك اول ما اكون نفسي
(هههو مووووووووووت يا حمااااااااااااار)
عايز اشوفك كل يوم كل ساعه كل ثانيه
(عشان اصحابو يتاكدوا انها حلوه)
حبيبتي انا بحب بجد وانا كنت بحبك من زمان بس كنت بدور عليك
(بفففففففف الاسطوانه المشروخه)
انا علاقتي بيك مابعرفا غيري وغيرك وربنا لانك بقيتي من خصوصياتي
(يعني يادوب العارفين اصحابو وجيرانه واصحاب اصحابه)
معليش يا حبيبتي ما حقدر اجيك بالعربيه الليله عشان خسرانه
(طبعا عارفين شويه الفشخره دي وهو اصلا ماعندو عربيه واكيد ماعرف يزوغ بي عربيه ابوهو)
يا حبيبتي انت بتتكلمي في شنو انا كل عطوري من فرنسا
(عشان يزغلل عيونها)
يااااااااه لما بشوف رقمك علي الموبايل قلبي بدق
(طبعا بتهجم انها تكون عرفت حاجه)
فلان قالي اديني رقمك قلت ليهو اقتلني قبل ماتشيل الرقم
(ياااااااه علي التضحيه وهي ياعيني رقمها مع مخاليق ربنا كلهم )
حبيبتي انا عايز صورتك عشان قبل ما انوم اشاهد في جمالك واختك تحت المخده
(لا وهو الصادق عشان لما يتشاكلو يهددا بيها)
اسف يا حبيبتي امس كنت مشغول في المذاكره عشان كدا ماكلمتك
(قصدوا ما معاهو قروش عشان يدخل رصيد او مشغول مع واحده تانيه)
اسف يا حبيبتي انو امس ماجيت في الموعد المحدد
(معزور اصلو تلقيهو اتذكر موعد البنت التانيه اللي ليهو 3 اسابيع ماجله)
انت عارفه يا حبيبتي انا طول الليل مانمت بفكر فيكي
(ترد عليهو تقوليهو طيب منو الكان نايم وانا بضرب في التلفون ....طبعا ردو جاهز تقصدي الخمسه دقايق النمتهم ديل دا من كتره التفكير فيكي جاتني غيبوبه)
انت عارفه يا حبيبتي انا مابفتح الماسنجر الا لما تبقي موجوده انت اصلا النت من غيرك مابسوي
(قصدو مابفتح البلوك من عندها الا لما بتكون هي بس اون لاين )
حبيبتي انا ما بستاهلك
(يااااااه اصلو الولد بضحي عشان عندو مرض والدكتور قاليهو ماحتعيش كتير)
انا بعمل كده عشانك انت
(هههو علي اساس انو ابوها قاليهو لو ماسبتها حرمها من الميراث)
انا حسيبك عشان ماعايز اي زول يتكلم عليك نص كلمه
(يا حبيبي يعني انت ياداب عرفت ما البنت خلاص سيرتا بقت علي كل لسان )
انا ماعايزك تزعلي مني
(ياراجل يعني انت لما تسيبها حتعمل حفله وتضبح خروفين ولا شنو)
انا مسافر ومش عارف حرجع متين
(طيب ماتسوقها معاك ولا حجه وخلاص)
انا ماحينفع ارتبط بي واحده عملت معاها علاقه
(ياراجل انشاءالله ربنا حيكرمك وترتبط بي واحده مشت مع نص شباب السودان )
انت احسن انسانه عرفتها في حياتي بس ماحينفع نكمل
(لا تعــــــــــــــــــــــليق)
حبيبتي انا اكتشفت انو مافي بيناتنا حاجه مشتركه
(ليهو سنتين معاها وبعدين لسه مكتشف دا الظاهر كان بكتشف ليهو في مقبره جديده في شارع النيل)
والله يا حبيبتي انا ما بلعب بي مشاعر البنات زي ما انت فاكره بس هو دا نصيبنا
( لا ماهو واضح)