احلي زول تسابيح علام

احلي زول طاعم كلام

شلتك ريده في جواي
وندهت ليك خليك حداي
ونزرت انو اكون معاك يامشتهاي
ألبوم غرامك شافو كل الناس معاي
والدهشة بالصورة الرسمتها ليك جواي
وحشايا كيف شافوهو هم وانا بيك بكون كامل قواي
ياملهم الافراح ومسهر النجمات معاي
يامحرك الوتر الطروب انغام موسيقتك بس شفاي
يامداوي لكل الجروح وانا كيف بدونك يتم دواي
ياخ ما كفاك ارجع معاي نرجع نضوق حب الاهل
ونقعد علي شجرالحراز نتنسم الافراح سوا
وانا كيف اكون كامل فرح وزولي البريدو ما معاي
ووعدت ليلات فرحي بيك
انك تعود يا الاصطفيتك
بين الف زول تبقي الحبيب المخلص الوافي لي هواي
يامنتهاي
يا مشتهاي
يا ارتضاي
يامعلم القلب الغرام
يا احلي زول طاعم كلام
انا بيك بقيت درويش عشق بحسب سبح ريدك هيام
ياسيدي خلصت النضم
قبلت احلم وانا صاحي والناس نيام
والقمره تضحك علي
حتي النجوم بتسامر الاشواق جواي
وينك مستف حبي ظن
خاليني للنار والشجن
وانا بين اجيك او امشي منك لو ابعد أجن
أعصر هموم الليل اقالد في المحن
لكن محال اهديك حزن
يا أنت ياقامة وطن
ريدك وصل حد الجنون
صوت الفرح شقه حلق الليل رطن
ما بيني بين خطواتي ليك ارهاف معلم للفنون
رعشة إلتطاف من زول حنون
دفقة مشاعر ظاهرة في لغة العيون
أهي ظاهرة زي طلة قمر بين الجفون
بس بسالك بي ياتو حيل اقدر أجيك
هديت مشاوير جيتي ليك
وانا خايفه من سحر العيون
يازول محرك فيني احساس بالجنون
انا غير هواك انا ما بكون