تعـــالووو بي جـــاي يا اولاد ويا بنات وورونا رايكم شنــو ؟؟

صمت الشوق كتب:معقوله يامديون اسأله نار بس ،،،لكن عن نفسي أنا واحد شين شنه مره مابقدر أتزوجو ،،،والماديات دي عندي مرتبطه بالقلب أذا حبيتو حا أشوفو أغني أنسان ،،بس ارجع وأقول عن حاجه خاصه بي وأهلي واحد في نفس المستوي المعيشي أو أكتر ،،،وأي حاجه قسمه والله المستعان

purity princess كتب:بالنسبة لي يامديون خير الأمور أوسطها
والبحب زول مابشوف شناتو والشنة زاتها نسبية مافي شنة مطلقة عشان كدا لولا إختلاف الأذواق لبارت السلع
وزي ماإنت قلت الجمال الداخلي أهم حاجة
الماديات مابتعنيني أكتر من إنها تمشي للزول حاله
‏(لكن زولك الشين المقطع دا ولا بتعرس ولا بتعرس
هاهاها هاهاها)
طرح متفرد
تقبل مروري

صمت الشوق كتب:عفوا عزيزتي برنسيس بس الماديات مهمه وجدا كمان لأنو المال والبنون زينه الحياة الدنيا وبعدين لو مابعنيك المال انت ليك أطفال اكيد حايحتاجو

حسن ارابيسك كتب:غايتو عن نفسي وجيه وجيه وجيه لمن بي هناك وهسي كونت لي لجنه انبثقت منها لجان فرعيه عشان تخت المحددات العامه لقبول المتقدمه (الغريبه لهسي ما جاني ولا طلب) ....
مديون جمال الجوهر هو المهم لأنو صراحه في بنات تتمني انك تعاين ليها وهي ساكته لانو لو نضمت بجيك طمام في المخيخ طوالي ..
عموما جمال الشكل مطلوب لكن ليس الجمال الصارخ الذي يفتن صاحبه .
تحياتي

صمت الشوق كتب:ولا حاتجيك زاتو،،،ياحسن ممكن تزوج واحده شينه أنتو ليه بتذوقو من السؤال ده

sallamony كتب:

و الله يا شباب موضوعكم أكثر من جميل
أنا لاحظت أنو مديون زاااااايغ من السؤال
أنا عن نفسي حأتزوج الحيرتاح ليها قلبي و تقدر تفهمني في مشوار الحياة الطويل دا
و زي ما قالت أميرتنا خير الأمور أوسطها و ما تكون شينة لمن الجيران يعلوا الحيطة عشانها بس تكون مقبولة و تاني ( القرد في عين أمو غزال ) و هي لو شينة ما حيشوفها شينة الا لو مشاعرو ناحيته أتغيرت

sallamony كتب:

طبعا" نسيت شرط مهم جدا" جدا"
لازم تون هلالابية كمطلب أول بعدها كل المطالب الأخرى تهون
و لو طلعت مريخابية و جميلة حنقول ( حوالينا ولا علينا)

تخريمة صغيرة:-
هي في مريخابية سمحة ؟

makaveli كتب:مديون ياحبيبنا
انا ممكن اقول ليك انو اهم شي عندي هو الاخلاق
والبنت من الدواخل

يعني تقون من دواخله بيضة ومسامحة وحنينة
دي بتغطي عن اي شي تاني
دي صرااحة
وكمان في النفس الوقت ما تقول كمان شينة شنات الضباع
يعني حاجة كده موزونة
ممكن اقضي معاها باقي حياتي
يعني ما شنات ونسة المجالس