وجانا اليوم

عندما كنت ارد علي الاخت صمت في موضوع بدون زعل كنت ارثي لها لانها كانت تتحدث بغرور وثقه هي التي جعلت الهلاهيل لا يحرزون كأسا (عدا كؤوس المنطقه الصناعيه) وكنت اردد دوما يا يوم بكره ما تسرع تبرد لي نار وجدي ولعل اصراري علي هذه المقوله هو يقيني بان الهلال لا محاله مهزوم وخارج صفر اليدين كما عودنا دائما من اي بطوله ولعل الحدس هو صفة الصفوه المريخاب الذين يتواضعون عند النصر ويلتفون حول بعضهم في نقد بناء عند الهزيمه لا يثورون ويحطمون مقاعد استادهم ويعلنون الانسلاخ عن ناديهم (مع انها علامة تعافي) وهو ما حدث يوم الفضيحه الكبري والمهزله المجلجله وسقوط الاقنعه وبروزالاسن الراكد ونهاية الجعجعه الفارغه
واواصل باذن الله

الكورة دي ما واحدة
ونحنا كورتنا ضعيفة
والإعتراف بي الحق فضيلة
لا هلال نافع ولا مريخ نافع
وتشجيعهم بيجيب وع القلب

تحياتي نوره
لك الشرف في تشجيع فريق الهلال السعودي فلاعبيه لهم غيره علي الشعار وعينهم ملانه ولا يهتمون بالعائد المادي لذلك حققوا كأس اسيا وغيره من البطولات لكن ماذا تقولي في لاعب بفريق الهلاهيل يرفض لعب المباراه لانه لم يمنح عقد قطعة الارض الموعود بهاو
انصحك بالابتعاد عن الميلان العاطفي لفريق الهلاهيل حتي لا تجري علي فريقك الاصفار الكبيرهويصبح دولاب ناديكم كما هو في دولاب كؤوس المنطقه الصناعيه
جامد احترم وجهة نظرك لكن لا اشعر مطلقا بوجع القلب في تشجيع سيد البلد (الاصلي )وصاحب الكؤوس المحموله جوا وبرا وبحرا
عوده لما بدأت:
عندما انهزم المريخ في نهائي سيكافا خرجت القلوب الحاقده فرحه وطافت شوارع الخرطوم والولايات وعندما انهزم المريخ امام كانو وزيسكو خرجوا وهم شمات ووصفونا بكل ما جاد به لسانهم لكن الصفوه قابلت كل ذلك بضبط للنفس ونقد للذات وانا اولهم والشاهد موجود بيناتنا (يا ربي ناس هنايه ويييييين ) وكنت علي يقين بقدوم الفضيحه لاني كنت المح الثقه المفرطه في وجه كل هلهولي فتأكدت بأن يوم بكره حيبرد لي نار وجدي ولم يخزلني لاعبي الهليل وجاد حارسهم علي الضيوف اثباتا لمبدأ ان السودانيين هم اهل الكرم وخرجو بخمسه كأكبر هزيمه يتلقاها نادي سوداني في بطوله افريقيه داخل ملعبه او داخل السودان وانتهت اسطوره المقبره وان الهلاهيل لا ينهزمون بملعبهم وانصرف الجميع لحالهم تاركين الهلال كالعرجون القديم
وكفي
شوية هتر:
س1 :كم عدد حروف كلمة مقبره
الجواب عند صمت
س2 :كم عدد اركان الاسلام
برضو الجواب عند صمت
س3:كم عدد حروف العجب
الجواب عند سيدا
س4:ما هي نتيجة مبارة الهلاهيل وفريق برشلونه الاسباني في كأس العالم للانديه الابطال
الجواب والله ما عارف لانو صمت صحت علي خمسه ضربات متواليات ولم تكمل الحلم
س5:ما هو رد كابتن فريق الهلاهيل علي الهزيمه
الجواب (نصحت المدرب وما سمع كلامي) بالله ده كلام لاعب ينصح مدرب
س.......... اكتفي بخمسه سينات فقط
يا ربي السلم الغنائي السوداني شنو؟
من يجاوب سيفوز بخمسه مليون تقدم يوم الخميس الساعه خمسه
والساعه خمسه يالحبيب ما تنسي مهداه لكل الاهل بالعرضه وللاخت صمت
الغريبه الهزيمه كانت يوم خمسه
اللهم لا شماته
يا ربي صمت وين
الله يدينا الفي مرادنا
وجانا اليوم البنحلم بيهو يوماتي

كلي سعاده ان نزلت العبره اخيرا والمراره من حلوق مشجعي الهليل وتحدثوا واحمد الله كثيرا ان اطمأنيت اخيرا ان الاخ سلموني والاخت صمت بخير ويدخلون المنتدي ويعلقون وهي فرحه بلا شك اكبر من فرحتي بوضع كل (ما) في موضعه الصحيح لكن توقعت ان تكون ردود الهلالاب بها قدر من نقد الذات لكن للاسف لازالوا يعزفون نفس اللحن والاسطوانه القديمه المشروخه التي جعلتهم مكانك سر وسيكونون مكانهم سر حتي يقلدون الزعيم في افعاله وقت الشده من نقد زاتي بناء والوقوف علي مواضع الخلل وعلاج الازمات بعلميه وعمليه وطالما ان الوضع ما زال علي ما كان فأطمأن الجميع واقولها بالفم المليان لن يحرز الهلاهيل كأس غير كأس ورشة حسب الله والمعني واضح
والله يدينا الفي مرادنا
والساعه بخمسه جنيه والحسابه بتحسب
ولي عوده
قال مقبره قال

الغريبه ان فريق مازمبي غلبناهو قبل كده والوضع الطبيعي فريق غلب فريق كبير حسب نظره الاخ سلموني ولا ادري ان كان لا زال بالنظر طشاش من القذائف الخمسيه ام ان النظر استعدل شويه بالتالي المريخ كبير ودي معروفه وما محتاجه لبراهين بغض النظر عن نتيجة مباراة المريخ والكنغولي وبالنسبه لمدرب المريخ البرازيلي فده جبناهو بناء علي دراسه علميه تحليليه للاعبي المريخ بانهم يعتمدون علي المهاره الفرديه دون اللعب الجماعي المنضبط كما المدرسه الالمانيه فتم استقدام مدرب برازيلي لان المدرسه البرازيليه مدرسه تعتمد علي المهاره الفرديه اساسا ولا اظن ان الهلاهيل استقدموا مدربهم بناء علي هذا التحليل لسببين اولهم انعدام العقليه العلميه المدبره في فريق الهلاهيل واعتمادهم علي شختك بختك (ودي بشرح ليك معناها بعدين يا نوره العتيبي) اما السبب التاني هو انعدام المهارات في لاعبي الهلاهيل اللهم الا قلبة الهوبه بتاعة المهرج بتاعهم ده ومهارة حارسهم (الراكوبه) في تضييع زمن المباراه

يا جماعة شجعو من الدوري الأروبي بس
ما تعبو نفسكم في الفاضي
حتجيبو لي نفسكم الضغط والسكري
وكلهم ما نافعين
القناعة كنز لا يفنى يا شباب
الشامبيونز ليغ مدور اختارو ليكم فريق سريع سريع
والله تقتلو في نفسكم ساااااي
خمسات وسبعات وثلاثات
دي ارقام فلكية
فضحتونا وشرطو عينا
ههههههههههههههههههه
فاقد الشيء لا يعطيه

نوره اشكرك علي الكلام الجميل لكن كل ما قيل لا يخرج من من اطار الهزل البرئ ولعلها عاده في المجتمع الكروي السوداني بين مشجعي الندين التقلديين الهلال والمريخ او المريخ والهلال ولكن في لحظات الجد تتجلي الوطنيه في اسمي معانيها نابزه لكل انواع التطرف الكروي الغير مقبول ولعل الاخ سلموني --سنتر والاخت صمت يشاركوني الرأي وعن نفسي لا اكن لهم ولكل الهلالاب الا كل الحب والتقدير والاحترام
وبالنسبه لي شختك بختك بمعني اخر تعني الاعتماد علي الحظ في تحقيق الهدف والاختيار المبني علي الحدس فقط
جامد برشلونة شنو وريال شنو المريخ عندنا بي خمسين برشلونه ومية ريال لكن الهلال عندنا بي واحد هلله هههههههههههههههه
لك الود