دوري و كأس .......حرام يا ناس

اول حاجه السلام عليكم
تاني حاجه الحمد لله والحمد لله انو شفنا سنون سلموني بعد البوز الكبير الكان مصاحبو من مباراة ناس مازمبي
وتالت حاحه الحمد لله والحمد لله والحمد لله وأيوووووووي عديل المرق صمت من حالة الصدمه والاحباط وخلاها تنضم وتقول ولو كان سادومبا سبب هزيمة سيد البلد فأنا مبسوط منو لانو خلي ناس مشتهين حرفهم يظهروا ولو كده بكره نكلم الوالي يعمل مباراه ويخلي سادومبا يجيب 3 اقوان
رابعا فوز الهلال علي المريخ وردة الفعل الهلاليه جعلت من الحدث مخطوط يسجل مع الاستنساخ واختراع القنبله الانشطاريه وظاهرة الاحتباس الحراري فلو شفتو حالة الهيستيريا الصاحبت الهلاهيل يوم فوزهم كنت تقول انو الهلال جاب كاس من بره( تهي تهي تهي) وده اكبر دليل علي انو الزعيم سيد البلد بعبع كبير وجبلا بيابي الشيل وقبل كده قلت انو كاس المنطقه الصناعيه امدرمان (ولا عملوهو المره دي في شارع الخور يا عثمان؟) .... المهم الكاس ده ما هدفنا ولا غايه نحنا بنعاين هناك محل ما بصل نظر الهلاهيل .. بس عندي سؤال ياالله الكاس ده ختوهو في ياتو رف الدولي ولا المحلي وقالو المحلي داخل عطبره والزعيم الثاني الذي لم يهزم ؟؟؟؟؟ ده قالو حيجيبوهو سؤال في من سيربح المليون والفسحه وااسعه والجراي بظهر في الافريقيه
والله يدينا الفي مرادنا

صباح النور
المريخ ليس مجرد فريق المريخ أمه .. المريخ دوليه المريخ اصاله المريخ صاحب وسام النيلين والفريق الوحيد الحائز علي الوسام ده من الريس المريخ الوحيد العندو دولاب دولي(عارف دي بتهيج ليكم المصران) المريخ الثاني نعم لكن الذي لا اول له المريخ صاحب الرد كاسل ..... بالمناسبه الكلام ده ما رد عليكم لكن دي زي الرميه في الغنيه لازم تتقال في اي مناسبه حتي لو كانت سمايه
صمت تعالي ياا بت امي استراتيجيه دي لو قلتيها لي لعيبة الهلال دايرين ليهم موسم كامل عشان يعرفوا معناها بعدين لو اخدنا الكلمه دي جد يعني بنلقي فعلا عندكم استراتيجيه مبنيه علي الشلوت والكف والبونيه استراتيجيه مبنيه علي كيفية شراء زمم الحكام ودي ما بقيف فيها كتير لانها شماعتكم المعروفه استراتيجية الهلال مبنيه علي اساس المثل مد كراعك قدر مقبرتك ومقبرة الهلال معروفه طبعا فيها (خمسه شواهد ظااهره) , حاجه تانيه معروف لكل الناس انو الهلال عباره عن الارباب يعني انا متأكد لو مشي زولكم ده تاني حتنططوا لمن تغلبوا فريق السلمه او كوبر عشان كده جماهير ومش عارف ايه دي خلونا منها
سلموني نحنا برضو ناس مايرنو ياخ حرام عليك انت لمن الزعيم غلبكم بقيت تدخل المنبر الاسلامي وتصلي علي الحبيب وتتخارج راجعوا كل البوست الاتكتب لمن المريخ فاز تلقوهو واحد ولو بالغنا عملنا اتنين لانو ده شي طبيعي انك تهزم الهلال وما مصدر فرح (وهيستيريا) لكن شوفوا لمن سبقت العرجا صمت براها كاتبا اكتر من 3 وانت ما عرف كم وعييييك وده دليل دامغ انكم ما مصدقين انكم غلبتو سيد البلد عموما الفوز مبروك عليكم وانشاالله كاس السودان يتربي لمدة سنه واااحده في عز الارباب لأنو السنه الجايه .......... خليها لي السنه الجايه كان حيين
والله يدينا الفي مرادنا

سلموني كدي قول تاني نادي القرن ؟؟؟؟ والله خليتني اضحك الله يضحكك والله الا كان قرن غنمايه عرجاء الله يكرمك