منتديات المستقبل السودانية

الزائر الكريم منورنـا في منتديات المستقبل السودانية .. نتشرف بزيارتك ولكن سوف نتشرف أكثر بتسجيلك معانا

انضم إلى المنتدى ، فالأمر سريع وسهل

منتديات المستقبل السودانية

الزائر الكريم منورنـا في منتديات المستقبل السودانية .. نتشرف بزيارتك ولكن سوف نتشرف أكثر بتسجيلك معانا

منتديات المستقبل السودانية

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المواضيع الأخيرة

» في البدء كانت إشارة الإستفهام
الشعر الشايقي Icon_minitimeالإثنين 25 يناير - 2:49 من طرف سراج منير

» اشراك الساعة الصغرى
الشعر الشايقي Icon_minitimeالأحد 24 يناير - 23:23 من طرف سراج منير

» آخر جيل من العرب
الشعر الشايقي Icon_minitimeالسبت 23 يناير - 8:03 من طرف سراج منير

» هلاك العرب في آخر الزمان
الشعر الشايقي Icon_minitimeالسبت 23 يناير - 7:46 من طرف سراج منير

» الملتقي العربي العاشر استشراف اداء الدوائر الحكومية شرم الشيخ –جمهورية مصر العربية للفترة من 5 – 8 ابريل 2020 م
الشعر الشايقي Icon_minitimeالأحد 1 مارس - 5:22 من طرف محمد أحمد سويلم

» البرنامج التدريبي التميز والإبداع في التطوير الإداري وتنمية الموارد البشرية للفترة من 22-31 مارس 2020م تقام فى نفس التاريخ فى كلا من (دبي – القاهرة – اسطنبول – كوالالمبور )
الشعر الشايقي Icon_minitimeالإثنين 20 يناير - 23:57 من طرف محمد أحمد سويلم

» ورشة عمل جدارات إدارة العمل بذكاء للفترة من 22-26 مارس 2020م تقام فى نفس التاريخ فى كلا من (دبي – القاهرة – اسطنبول – كوالالمبور )
الشعر الشايقي Icon_minitimeالجمعة 10 يناير - 23:51 من طرف محمد أحمد سويلم

» ماجستير ادارة الاعمال بشرم الشيخ ( اقامة كاملة مع برنامج سياحي يشمل ( Diving and snorkeling في Blue Hole – حفلة مسائية على مسرح الف ليله وليليه – الذهاب ليلا الى منطقة Soho Square والتمتع بمشاهدة النافورة الراقصة )
الشعر الشايقي Icon_minitimeالثلاثاء 7 يناير - 0:38 من طرف محمد أحمد سويلم

» الملتقي العربي العاشر (استشراف اداء الدوائر الحكومية ) شرم الشيخ –جمهورية مصر العربية
الشعر الشايقي Icon_minitimeالإثنين 6 يناير - 0:10 من طرف محمد أحمد سويلم

» ماجستير إدارة العقود والمناقصات المهني المصغر
الشعر الشايقي Icon_minitimeالإثنين 23 ديسمبر - 6:25 من طرف محمد أحمد سويلم

» فعاليات الورش والبرامج التي تبداء في 16 فبراير 2020 م
الشعر الشايقي Icon_minitimeالخميس 5 ديسمبر - 3:43 من طرف محمد أحمد سويلم

» دعوة للمشاركة بالمؤتمر العربى العاشر : تكنولوجيا الموارد البشريه - بالقاهرة
الشعر الشايقي Icon_minitimeالأربعاء 27 نوفمبر - 5:34 من طرف محمد أحمد سويلم

» فعاليات وحدة الشهادات المهنية باعتماد جامعة ميزوري الامريكية - فبراير 2020م
الشعر الشايقي Icon_minitimeالثلاثاء 19 نوفمبر - 5:04 من طرف محمد أحمد سويلم

» البرنامج التدريبي أساليب تحليل المشكلات وصناعة القرارات للفترة من 5 - 9 يناير 2020 م
الشعر الشايقي Icon_minitimeالخميس 31 أكتوبر - 4:47 من طرف محمد أحمد سويلم

» البرنامج التدريبي إستشراف المستقبل و أدواته في دعم إتخاذ القرار و بناء المستقبل للفترة من 22-26 ديسمبر2019م
الشعر الشايقي Icon_minitimeالأربعاء 23 أكتوبر - 7:04 من طرف محمد أحمد سويلم


2 مشترك

    الشعر الشايقي

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty الشعر الشايقي

    مُساهمة من طرف osman الإثنين 5 يناير - 13:01

    أعزائي رواد القسم الشعري في منتديات المستقبل السودانية
    تحيه واجلال
    ساورتني فكرة وضع هذا البوست لنقوم فيه بجمع أكبر عدد من القصائد التي غزلها مختلف شعراء الشايقيه ولا يخفي علي احد منا ماتحمله هذه اللوحات الرائعه في معالجة كل قضايانا بأشكالها المختلفه ،،

    فى انتظار مشاركاتكم

    وإليكم أول قصائد هذا البوست

    عابرة ( عبر الدم )
    محمد احمد الحبيّب
    يا عابرة عبر الدم شايلك شرايني
    أنا بي لقام مهتم بس كيف تلاقيني
    لو عمري يتقدم وأضمن تلاقيني
    أنا بعدو ما بندم لو مُتَّ في حيني

    طيفك يزورني اشواق في النوم يناجيني
    ويرحل بدون إشفاق ساعة يصحيني
    يا طيف أكان مشتاق لي مين مخليني
    طفل الغرام العاق ربيتو مابيني

    يا عابرة دنيا الجن بي كل أعاصيرا
    لو سعدي ما ممكن احسن لي من غيرا
    أنا بي لقاك مؤمن لكني في حيره
    يصعب لقاك كيفن والدنيا بي خيرا

    أنا كنت شئ مجهول يا عابرة لولاكي
    مع أني أول زول من بين ضحاياكي
    فرشّتِي عمري الشاب اشعار من أملاكي
    كانت على الاطلاق أجمل هدايكي

    يا اماني لي بكرة والليلي والبارح
    شايلك معاي ذكرى كان واعي كان سارح
    بس يوم تبين سفرة يا عابرة بي الواضح
    في نيتي من فكرة داير اجيك نازح

    انا لو قدرت اجيك رؤياك من عيني
    أكسير حياتي وشيك من حزني يشفيني
    من إشتياقي اليك يا عابرة دسيني
    ما بين رموش عينيك شيليني ختيني

    كل البسيطة حسان يوم ما ملن عيني
    غير عابرة مافي إنسان يهدمني يبنيني
    آآآآآآآه يا جمال فتان قلَّب موازيني
    لولا صفاء الايمان يفتني في ديني

    مصباحك المسحور جاهرني عاميني
    سايق خطاي مهبوش يسوقني و يوديني
    ما عارف المقدور بالفرقة راجيني
    خارج نطاق النور حايم حواليني

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:04

    جرح الريدة

    سافر يا جرح جواي فوق جناح السرعة

    الموج يوم يضارب الشاطئ

    والريح لما تطفئ الشمعة

    والمحبوب وقت يجرحني لو ضميرو يحس أو يوعا

    جرح الريدة كان يتعد من ضمن العجائب السبعة

    الضايق عقارب الريدة يرميهو الأثر بالخلعة
    بنوت حواء ما لاتنو بالخوف والشجن واللوعة

    بالليل والجراح نتاحة والناس ناموا بعد الهجعة

    شفت بنات نعش في دمي يتهادن بهيات طلعة

    يا قلبي الحزين اسمعني خت قرض الصبر في الوجعة

    قول لي كيف تفيدك عترة وانت وقعت كم من وقعة

    اتشهدت واستغفرت وغسّلت العليك بي دمعة

    اتيقنت قلت براك ما ليك تب عشم في رجعة

    مالك قلبي من تطراها بالبيك لا بتحس لا بتوعى

    منحوس انت من ما قمت اصلك ما بتفوز بقرعة

    سعدك لو تجيبو كرامة كان مديت زمان القرعة

    في المر ما عليك ملامة أشرب ما تفضل جرعة

    الناس قالوا لي انساها لو داير تطيب بسرعة

    حاولت وغلبني انساها ذكراها صبحت لي طبعة

    طلعتا في صباح ايامي لا غابت خميس لا جمعة

    سرقت بالي ما فضل لي منو قدر اعد لسعبة

    يا ست الحسان احلامنا ما بنلقاها عن ست ودعه

    في دنيا الغرام والريدة البكا والنواح ما بدعة

    زول كانت مشاعرو عليك جاري زي الحجر في الفلعة

    محتار نارو كيف يطفيها مادام النفس بقى ولعة
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:06

    بلادي أنا

    بلادي أنا بلاد ناسا مواريثم
    في أول شي ..كتاب الله
    وحصان مسروج، وسيف مسنون حداه درع
    كتاتيبم تسرج الليل مع الحيران
    وشيخا في الخلاوي ورع
    وكم نخلات تهبهب في جروفا الساق
    وبقرة حلوبة تتضرّع وليها ضرع
    بلادي أنا
    تشيل الناس
    كل الناس وساع بالحيل وليلا يسع
    وتتدفق مياه النيل على الوديان
    بياض الفضة في وهج الهجير بيشع
    بلادي سهول ، بلادي حقول بلادي الجنة للعاشوها
    ولي البرّة بيها سمع
    بلادي بلد ناساً تكرم الضيف
    وحتى الطير يجيها جعان ومن أطراف تكيها شبع
    بلادي بلد الصفقة والطنبور وجاراتن تنق بالليل
    وبنوتن تحاكي الخيل
    يشابن زي جدي الريل
    بلادي أمان ، بلادي حنان وناسا حُنان
    يكفكفوا دمعة المفجوع
    ويبدّوا الغير على زاتم
    يقسموا اللقمة بيناتم
    ويدّوا الزاد حتي ان كان مصيرم جوع
    يحبّوا الجار
    يموتوا عشان حقوق الجار
    يضوقوا النار عشان فد دمعة
    وكيف الحال لو شافوها سايلة دموع!
    ديل أهلي .. واللــــــــــه ديل أهلي
    البقيف في الدار في نص الدار
    وأقول لي الدنيا. كل الدنيا ديل أهلي
    عرب ممزوجة بي دم الزنوج الحارّة
    ديل أهلي .. ديل قبيلتي لمّن أدور أفصل للبدور فصلي
    ديل فصلي
    أقول بعضي
    ألاقيهم تسرّبوا في مسارب الروح
    بقوا كولي
    ألاقي قلبي والإحساس
    وسافر في بحار شوقم زمــــان عقلي
    أنا محل قبّلت ألقاهم معاي ، معاي زي ضليّ
    أنا لو ما جيت من زي ديلا وا أسافاي ، وا مأساتي وا زّلي
    تصوّر كيف يكون الحال لو ما كنت سودان...
    وأهل الحارّة ما أهلي
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:07

    لسان الحال
    معذرة لو معاك منى الكلام حره
    معليش الخطاب كاتباهــــــو مضطرة
    حرام والله مننا إنت تتبرا
    خمسة سنين تفوت تجى فيها فد مرة
    وراك أنا كم شقيت وعشت فى مرة
    وتعبـــت مع البطان الهم للعيون غرة
    بيخاف الغرق الغاص ورا درة
    قالو أدب الصغار والعقدة من خدرة
    حليلى أنا الزمن ضى فاطرى ما انفر
    وخمسة سنين غياب مابتحملن حرة
    أنا الحاضنة العذاب وآمالى محتضرة
    وإنت الفى النعيم ما خات حساب بكرة
    مسكينة التقول فى الإغتراب سترة
    وتتناسى القروش فى يوم تكون ضرة
    حليل زمنك وكت عايشنا بالأُجــرة
    يا ريــت لا عرفــت ولا مرق برة
    ********************
    الكاتما فى جواى كتير متملك الجوف والعصـب
    ما كت دايرة أقولو ليـك لكن لسان الحال غلـب
    ما بنسى يـوم ودعتـنا وسافـرت فى غـرة رجـب
    خليت وراك الـدار حـزين يتباكـا والدمع انسكـب
    أعذرنى والله العظيـم لو ما الضـرورة أنا ما كـتب
    وأنا خايفـة فى بعـدك يكون الضاع هو ضعف المكتسـب
    اليومـا داك ناس البلـــد هنونى شايقيى وعرب
    قالو لى مبروك خير وجاك يكتب سلامـتو الإغترب
    قالو لى دوب نجم السعد طلاكى من بعـد إحتجب
    يا دوبا بالك يستريح وتنسى العذابات والتعب
    فضّلت أحسب فى الشهور قاعدالى فوق نيران لهب
    صابرة وحريصة على العيال لا بيقو للريح فى المهـب
    سديتا خانتك مــن مشيت قايمابو واجبى كأم وأب
    والأسرة يضنيها المسير وتتهاوى لو ما فيها رب
    والله ما بنكر جميلك برضو لينا ثناك وجب
    موكب هداياك ما انقطع كان سترة فى الزمن الصعب
    لابسين وماكلين والنعيم كايلنا فى يوم ما نضب
    وعايشين معيشة المترفين طولنا والطبع إتخرب
    البيت مفرش بالحرير ومليانة إيدى بالدهب
    لكن خسارة على محل عاش سيدو خمسة سنين عزب
    الشى المهم ما قلتو ليك وليهو إنت ما ظنيت حسب
    كبرو الصغيرونين خلاص خايفالم الطبـــع الكعب
    وصولوها مرحلة الخطروالأمن ما زال مستتب
    وانا كتّ قادراهم زمان لكن بعد كبـــرو اتغلب
    حصلنى قبل الجد يفوت دوب انهم فوق العتب
    قبال نحصد الخير ندم ومابيجدى كان لمت وعتب
    خايفالم الطيش فى الدروس ومابرضى لو واحد رسب
    خوفنى المتعبنى الكبير بعدين يمرقو بلا أدب
    وريتك الحاصل على لا فيهو ثورة ولا غضب
    شان الحديث مايبقى نى والواحة يكتنفا الجدب
    أنا قلبى مازال لسة حى ونجمو الملهلب ماغرب
    وآخر كلامى ترد على لا أبقي بكره أنا السبب
    ما كنت دايرة اقولو ليك لكن لسان الحال غلب
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:08

    معذور
    معذور لو قلبي اشتهاك ما إنت عارف فرقتك ما بيحملا القلب الهواك
    معذور

    دا مناهو يوم ما نتفرق يا ريتو كان يفضل معاك
    لو بي مرادو يقوم يجيك تلقاه بين ايديك حداك
    متمني ألحق بيك سريع نتلاقى والأشواق هناك
    جاييك هارب من سنين جاييك واقع في حواك

    غلبو النواح يوم فُرقتك بالدهشة خانس إتعبر
    ما بين نوازع الروح إليك هايم وبين حُكم القدر
    ما اتزعزع الإيمان جواه ولكنو في الآخر بشر
    قايل عليك شدة وتزول ما قايلك إنت علي سفر

    ما كان هو فاهم يومو داك إيه ضحكة البرق اللصف
    ولا كان هو شايف للهموم الجاية واقفات ليهو صف
    ولا كان هو حاسس بالغرام الباني في الغيم إتنسف
    لقى نفسو فجأة بلا وجيع مفجوع ومفقوع بالأسف

    يا ريتو كان وقف الزمان قبال تروح صدَّ ورجع
    ما كان غشانا الحزن يوم لا فُرقة بيناتنا بتقع
    كان لا رثيتك لا بكيت لا قلبي فيك يوم إتفجع
    وما كان قدر ذكراك صِبح يومها التزور مُره ووجع

    معذور… لو قلبي اشتهاك
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:09

    أمونة بت الشيخ حمد
    ابوها كان مزواج خلاص
    ناسب جميع ناس البلد
    ميلادها كان عرسا كبير
    هيصة وضبايح مالها حد
    يوم السماية اتيتمت
    حكم القدر فى الام نفد
    كانت شبيهة امها
    فى القدلة والعوداللبد
    وبقت امل كل الشباب
    وجمالها فى بت ما اتوجد
    فى مرة رفة قليبا يوم
    حبت قريب الشيح حمد
    واظن كمان حباها هو
    سوى الضلوع لى حبو سد
    كاتمين غرامن فى القلوب
    ولع لهيبم ما برد
    خايفين يصارحو يقولو
    شومال بالدايرنو ست
    خايفين عيون الناس
    تشوفم والخبر يملأ البلد
    والحب هناك عيبا كبير
    لا بت تبوحبو ولا ولد
    فى يوم ابوها ضحك كتير
    برم شواربو بلا الاسد
    ناداها امنة تعالى جاى
    فوق البرش ربع قعد
    قالتو هوى جاياك خلاص
    قليبة فر وما رقد
    حاج الخضر عارفاهو داك
    قالتلو ايوة ابو سند ؟؟
    جانى الصباح طالب ايديك
    داير نسب شيخ البلد
    وانا قتلو اهلا بيك تعال
    يومين تلاتة تكون عقد
    راجلا عظيم عندو القروش
    عندوا الحرير راقد لبد
    هو كمان كريم واخو رجال
    ماعونو فى يوم ما برد
    جرن الدموع من عينا شو
    سكتت وابت تديلو رد
    قام مرق خلاها فات لا سبة
    لا كايس غرض
    عند المغيرب تانى جاها
    كدى لى محاسن الحاج سرد
    داير يأثر فى قليبة
    لو كان تقول تديهو رد
    وقتا غلب واحتار خلاص ولع
    فؤادو جمر وقد
    فسر سكوت البت رضا
    جهزولو لما الناس عقد
    والمال مخمخم والحرير
    تحت الرجول مدوهو مد
    يوم الصفاح والناس تجوط
    بالفرحــــة مقلوبة البلد
    امونة تبكى بكا السواد
    بدل الفرح جاها النكد
    وبشيشى قامت للمروق
    فى سرقة ما حس بيها حد
    كان الحبيب راقد هناك
    والصدمة قادة قليبو قد
    وقفت قصادو بكت كتير
    لامن دميع العين جمد
    قام جاها بى شوقو الكتير
    وقليبو داك انهد هد
    قالتلو ما بى ايدى شى
    ديل ناس ابوى وابو سند
    اتلملمو وسووا الكلام
    وانا لا رضيت لا جبتا رد
    داك عندو مالا مو قليل
    وابوى شاف المال سجد
    ادانى للراجل العجوز
    المن عروقو الدم شرد
    قايلنى بسعد بالقروش
    ولا المراح الفات ورد
    لكن محـال اسعد بلاك
    كان السماء ينهد هد
    بديك قليبى وروحى ديل
    وأعيش هناك صورة وجسد
    اتراجعت رجعت تصد
    لكن قليبة رجع رفض
    مسكت دريبا مو قريب
    كم بيهو صف بنوت ورد
    قاصدة البحر دايره تموت
    لا عيشة لاهم لا نكد
    اترددت وقفت كتير
    لامن قليبه خلاص صمد
    شافت مسار النيل حزين
    حتى النخيل حزنان خمد
    وبشيشى فكفكت الحرير
    لا زينة لا ربيط عقد
    ما دام حياتا بقت دموع
    وقليبة من زولا انفرد
    قالت اخير ارتاح خلاص
    ارسى وشقاى القالو حد
    فى لحظة موج النيل علا
    وفى جوفو غابت للابد
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:11

    سوقني معاك يا حمام
    للرائع حميد

    سوقني معاك يالحمام
    ... ...
    سوقني محل ما الحبيبة
    قريبة تراعي الغرام
    غريبة الأشواق حبيبة
    يجيبا منام في منام
    ... ...
    سوقني محل ما المحنة
    أيادي تقطر سلام
    سماحة الحياة فوق أهلنا
    وبلادي تقرقر وئام
    ... ...
    غلابه وأمان مو الطيابة
    ضكارى بصارى وكرام
    حبابه الحبان في بابه
    وتدخلوا عليّ الحرام

    فقارى ولكن غنايا
    غنايا بهذا الغمام
    بهذا النيل كم تغايا
    وتيرابا النرميهو قام
    ... ...
    إرادة القمره البتقدر
    براها تضوي الضلام
    شعاع شمشاً ياما خدّر
    وإذا يبَّس لا يُلام
    ... ...
    فيابا خرابا الحرابة
    وخرابة فكر سوسي سام
    خرابة الكل نفسو تأبى
    عقابه .. تلِم عم سام
    ... ...
    ولِيد مخلوق للقرايي
    خزين مدخور للجِسام
    تتمر نيتو التخايي
    إلاما مذهلل إلام

    درب من دم ماب يودي
    حرِب سُبّه .. حرب حرام
    تشيل وتشيل مابِ تدِّي
    عُقب آخرتا إنهزام
    ... ...
    بطانة الشيطان قديمِة
    وبعد دا منو العرشو دام

    إذا الإنسان ما لو قيمِة
    علي إيش خلَّفُو سام وحام
    ... ...
    تعالوا الدم ما هو مويةِ
    ولا ها ترايي المسام
    أخويا وطراوة الخوة إبتسام
    ... ...
    تعالوا نحانن بعضنا
    تعالوا نحانن بعضنا
    نخل قلبو على التُمام
    نبضنا يشهل أرضنا
    وأرضنا تجِم العضام
    ... ...
    تعالوا بدل نبني ساتر
    نخيب ظن الصدام
    نطَّيب للعازه خاطر
    نقوم لأطفاله سام
    ... ...
    أخير كرّاكةً بتفتح
    حفير وتراقد الركام
    أم الدبابة البتكشح
    شخير الموت الزؤام
    ... ...
    تعال لي غابتك يا خيرا
    تعال لها يا أسده الهمام
    بدل دوشكة يغني طيره
    محل قنبلة عش نعام
    ... ...
    بلد صمَّي وشعب واحد
    عصية على الإنقسام
    أبيه وبكراها واعد
    صبية ومشهاده تام
    ... ...
    بساطه أحمدي كم يشيلنا
    وتشهِّلنا على الدوام
    نَقِل ليلنا تقوِّي حيلنا
    ودليلنا تمام التمام
    ... ...
    نلقّم سقف المتاهة
    نجم هدّاي في الضلام
    ونطعِّم حرف النزاهة
    لإيئلافك يا حمام

    ديموقراطية وأمان
    سوا .. سوا عالين مقام
    مواريثنا المن زمان
    محصَّنة في أروع نظام
    ... ...
    بريدك يا زول بريدك
    بعشقك حتّى الهيام
    أريحيتك عد تزيدك
    مهابة وليك القيام
    ... ...
    عهدي معاك يا حمام
    حبِيْب الرُسل الكرام
    رسول الأمراء العظام
    عصامي على ما يرام
    ... ...
    ماب تهدِل في خنادق
    ولا ب تقدِل فوق حطام
    ولا ب تنزل في فنادق
    وسطنا مراعيك قُدام
    ... ...
    فيا ملدوغ من أديس
    معوَّق في كوكدام
    تعال عمِّر فينا ميس
    كفانا طشيش الكلام
    جناحيك جنوب شمال
    وأمش طوِّف يا حمام
    محِل غصن العزّة مال
    عليك وعليهُو السلام

    حكيم الطير يا مهبِّر
    شُراكة القَتَلة اللئام
    متين بإسم الحق تكبِّر
    وبالرحمة تصلِّي إمام
    ... ...
    فلاحة العالم تعمر
    محبّة مودة ووئام
    يقص الايد التدمر
    تشمِّر ساعد السلام
    ... ...
    سوقني زمن كُلُّو عافي
    نتاجو عِلم خيرو عام
    بري آيمة من المنافي
    وطن وافي على الدوام
    [/b][/center]
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:13

    ليه كل الدروب
    للشاعر الفاتح ابراهيم بشير
    غناء الرائع جعفر السقيد

    يا قلبي الحزين وين تمشي ليه كل الدروب مقفولة
    كيفن زول يصل للجامعة يرجع تاني لي سنة أولى
    ياما كتار حليلهم ضاعوا في زحمة دروب مجهولا
    يزرعو في النوايا الطيبة كان ثمرة ضياع محصولا
    الواحد يريد النجمة ما بيقبل يشوفو افولا
    تلقى وسط ظروفو يشابي عشمان انو بكرة يطولا
    مسكين كان يخادع نفسو بي سحب الخريف وهطولا
    متعشم يقول المسرة يوم باكر يدقو طبولا
    مسكين ياحليلو اتناسى نكبات الزمان وفصولا
    واتناسى انو نحن غلابا احلامنا العراض مطبولا
    من زمن القراية شراي ما بشوف غير سيوف مسلولا
    كل ما اقول وصل لي مرسى القى احزاني شادى خيولا
    قاسي الزي يقلى الداريو نقاي يعرف المصقولا
    اول ما يقول ديك لي كل خلق الله بكرة يجولا
    عايش فد سؤال جواي ليه لحظات فرحنا عجولا
    وايام الحزن تندب زي السلحافية مهولا
    اختلطت على ايامي قدامي الهموم مسدولا
    ممشكلتي العلي ومالبي ما هو مرض دوا وكبسولا
    اه اه اه اه اه اه اه
    اه من دنيتي واقدارا اه من جحيما وهولا
    شينا الزي بلقى الدايرو منو الدمعة ما مقبولا
    لكن يا رفاق بالدغري كلمات بي صراحة بقولا
    انا كان جنيت او ودرت تبقى ظروفي هي المسئول
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:14

    باكر بجيك قاطع مسافات العشم
    شايل معاي هوى العيون
    آمالي في أجمل نغم
    باكر بجيك قاطع مسافات العشم

    بجيك من سكـــة القلب العشق ذاتك سنين
    بجيك من صفحة الماضي الكان قاسي وضنين
    خايف يكون زيف المدن غير أصالتك والحنين
    جايك من ليل العـذاب ارجيني بالصبح المبين

    فُتيني للليل الطــويل يرميني في حضن الآلم
    سبتيني بين شبح الظنون وأحزان بتنبع من وهم
    ارجيني فوق أرض الصبر جايك من زمناً سجم
    لا فيهو للأفــراح طريق ولا فيهو للأيام طعم

    باكر بجيك بي لعنة الريد المـــــلك قلبي الجريح
    بي حال بيغني عن السؤال ما بوصفو الخاطر الفصيح
    خايف يقصر بي العمــــر تحملني من الدنيا ريح
    لو كان مُقدر إني اروح سوي لي في روحك ضريح


    سافرتي مـــا خليتي خيط ابراه للمرسى الجديد
    سافرتي مـــا خليتي لي غير ذكرة الزمن البعيد
    علمتي روحي الإنشراح علمتي قلبي يحــب شديد
    فجاءة اختفيتي من الدروب وأخفيتي كل زمني السعيد


    لكني لي أحســـاس يسوق خطواتي لأجمل عيون
    باكر بتلقي خطاي معــاك تتمشى ما بين الغصون
    ما تقولي لي وصلت كيف مــن دل قلبك يا حنون
    أنا قلبي أصبح ليك مكان يا الناسية إني انا ليك كون

    باكر بنكشف الضباب القـــاك في فرح الشباب
    تقشي في دمع الفـــراق وتزيلي في أثر العذاب
    بكرة المسافـات تجتمع وتلم قلوب يوم عيدها آب
    ويعود شباب الفي هواك يا حلوة بي أحزانو شاب


    عدل سابقا من قبل osman في الخميس 5 فبراير - 4:17 عدل 1 مرات
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:18

    ما بتخيَّل
    ]الشاعر/عوض علي حامد
    أنا ما بتخيَّل إنو تروحي وتسكني بين طيات الذكرى
    وشايلة معاك في روحِك روحي

    ما بتخيَّل أصبح باكر وألقاك مافي قُصاد عينيا
    وكيف إتحمل فقد الدنيا الفيها أحلامي إترسمت ليّا
    عُمرُو ما كان البعد مسافة وإلا الطيف كا ملَّ الجيَّه
    وما بتتخيلي هزت قلبي لحظة طيفكِ ماشي عليًّا

    ما بتخَّيل وين راح أمشي لمن ترحلي مني تروحي
    كيفن يصبح ذكرى البينّا وسيل أشواقنا ولحظة بوحي
    ما حأسيبكِ ترحلي وأبقى بين نيران أحزاني ونوحي
    ولو لا حت لنا فرقة بقوللها لأ يا فرقة أرجوك لا تلوحي

    أنا ما بتخيَّل إيه راح أبقى لما أعيش في الدنيا بِدونِك
    وكان خليتكِ وين راح ألقى الكت بلقاهو يشع في عيونِك
    أبقي معايا مودّة ورحمة يا الفي قلبي هواك وسكونِك
    كوني في عوني أنا بي تحنانك شان بي شوقي أكون في عونِك

    ولما الشوق كان جابك ليّا ما خيّبتَ أشواقِك فِيّا
    وإتشربت إحساسك شهقة دون ما أحس بك إنتي هدية
    ما صدقتِ أنا إني لقيتك أم وحبيبة وروح وأُخية
    هم الفُرقة أنا كاتلني كيفن عاد بي هم الجيّة

    ما بتخيّل ما بتخيّل
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الإثنين 5 يناير - 13:20

    الشاعر الهرم (خالد شقوري

    يا الشايل شمسك في جواك خليها تبين للناس تطلع
    يا النازع فرحة والدة هناك غير حس آهاتك ما بتسمع
    ***
    يا الناسي اللبقة المفتوحة دي بلاك طوريتك ما بتقرع
    المنجل في راس التمرة ناسيهو وامك ما بتطلع
    الكتقة وقعت والحملان في اللوبي بقت تجري وترتع
    والزير الفي بيت الضيفان حرمان لا نزّ ولا نقع
    ***
    يا السبت عقابك وروحت وحيات عز بلدك لا تنجع
    الشتلة تقولك لاتنجع الواطة تقولك لا تنجع
    الحوض الما رفعت سرابو ينادي يقولك لا تنجع
    الحبل الما تميت مسيرو يهاتي يقولك لا تنجع
    والنيل الفي واطاتنا ترع بيقولك ازرع ولا تنجع
    ***
    ماك فاكر يوم داير ترحل وابوك الحاج شايلو عصا
    لا حيلو وقف طقش الابريق اندفق سال فوق المصلاة
    قام بارى الحيطة واتوكل ويقوم فد مرة ومية يقع
    ويقولك يا المبروك ارجع
    ***
    ارجع يا زول ارجع غير ارضك عاد ما بتلقى بطاح
    شن داير في بلداً والناس ما فيهن حاس وما فيها صباح
    الليل الويل مليان اتراح الويل الليل مليان اتراح
    بياعه يقول افراح افراح زي البيقول تفاح تفاح
    ***
    مجلوبة الفرحة ومفروشة من ضحك الناس دايرين ارباح
    لو كان في ايدن ملك الكون كان لمّو عبير الزهر الفاح
    كان علمو نفس الزول العاش في سدر الليل داير يرتاح
    كان حجزوا الغيم في واطاتو وكان آمسكين باعو الارواح
    ***
    وين تلقى الفرحة وتتهنى في داراً ضيقي ومافي براح
    جم ناساً من عين العطشان تخطف ومضات البرق اللاح
    ***
    سايب اهلك ونخلك راحل قول وين ماشي ووين آصاح
    الشمس النايري ابت تطلع النيل يا زول اصبح رحراح
    الضل قصر ما غتى رويس ولداً ساكب عرق الكتاح
    الواطة ابت تديك الخير ولا انت عليك ما هابي رياح
    ***
    قولي وين ماشي ووين غاشي ولي شن سايب بلد الصلاح
    النسمة ان جاتك بتجيك ملياني عبير عند الفياح
    الموية ان داير تلقاها نقاعا واطيب من الراح
    ان درت نغيم الموج تلقى وان درت كمان الطير صداح
    ***
    الضحكة هناك من جوة الجوف الفرحة هناك ما فيها الخوف
    الشقى ارحم في ضل النيم وبعيد من ناساً واقفي صفوف
    جم ناس حبان تلقى المكسور مشيول في كتاف واحد مكفوف
    الجن الاحمر فاقد الحيل في خلوة حاج الخير مكتوف
    دكان الشيخ فوق الواطة كيمان كيمان ما فيهو رفوف
    [/b][/center]
    حسن فتحى
    حسن فتحى
    كيار الشخصيات
    كيار الشخصيات


    ذكر عدد الرسائل : 879
    العمر : 52
    علم الدولة : الشعر الشايقي SudanC
    المهنة : الشعر الشايقي Office10
    الاوسمة : الشعر الشايقي Empty
    نقاط : 728
    تاريخ التسجيل : 15/01/2009

    الشعر الشايقي Empty رد: الشعر الشايقي

    مُساهمة من طرف حسن فتحى الإثنين 2 فبراير - 2:30

    تحياتى اخى عثمان الشعر الشايقى من امتع الشعر السودانى والشايقيه يمتازون بشده الحنين وهم ناس ذواقين وانا 90%من اصحابى شايقيه وانا فخور بهم جدا
    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الخميس 5 فبراير - 4:32


    الاخ الحزين لك التحيه واسعدنى مرورك الجميل... هم اهل الشمال بتلك الحنين المكتسبة من المنطقة من النيل والنخيل .. ومن منا فى السودان لا يحن الى موطنه وارضه ... اهديك كلمات أغنية أم الحسن رائعة الشاعر خالد شقورى التي تغنى بها الفنان محمد النصري , هذه الأغنية جسدت تفاصيل الحياة الريفية بكل معطياتها في بلادنا الحبيبة فالأغنية كلماتها قوية تحمل معاني جمالية غائرة في الوجدان تستهوي من يتابعها وكأنه عائش بداخلها

    ***
    وقفت بعد حلبت لبينة الشاي تكورك يا الحسن
    يا ام الحسن وينو الحسن
    ولمن صفت رغوة شخيبات اللبن في حلتا المبنية من طبق السكن
    واقفه في حوش البهايم ولسع تكورك يا الحسن

    وتلاوي في الحمل العنيد
    جاها حساً من بعيد مارق من القاطوع ورا
    قال ليها خير يا الحاجه خير
    قالتلو خير تعال لي جاي دايراك تعنون لي جواب يا الراسي لولدي الخدير
    لا تبقي زي شافع السرير يقول لي زين آيمة زين وزين تبقي بعد شهير
    وان جاني يكتب فد سطير
    اقولو يا سجم السجم انا زي قرايتك ما قريت
    لكن عويناتي بيفرزن الوريقة البيضاء من لون القلم

    بعد المغيرب بي شوي جاها الحسن تعبان يسير
    العشى غنمو من الدرب وسرقت ندي وشو الهجير
    سوتلو شاياً بي لبن قرض معاهو حرف فطير
    قالتلو بسم الله قول واكتب وصيتي انا للخدير
    الزمن يا ولدي ماحقاهو السنين
    البعيش في الدنيا ما بعيش مرتين
    العمير فاضل لي بس منو اليقين
    وانت طوّل في البنادر يا الحبيب لا متين
    تعال اوريك حق ابوك الجم حقيق حاج اللمين
    ان عرفتو بلا عمار يقولو ولداً عندو طين
    العلاج لا تنسي رسلو لي دحين
    العوينات يا جناي شوفن ضنين
    سلامنا ليك مطرز للبنيات والبنين
    ولو الارض يا ولدي تنشال في الايدين انا كت برسلا ليك
    في لوري الخزين

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الخميس 5 فبراير - 4:38


    ضل الغيمة
    ضــــــــــــل الغيمــــــــــــه - محمـــــــــد جـــــــــباره


    ضل الغيمه غش قليبي قال ينجمّ خت رحالو
    فات خلاهو للكان ظنو في عز الهجير يرتالو

    عاد وريني ليه يا غيمه ماك عارفي السفر وأحوالو
    ولا قليبي تحتك حالفي ما يطيبلو المقيل يحلالو

    ضلك من بعيد يا غيمه كان دايماً بيتمارالو
    جافل منو لكن برضو كان عاقد عليه آمالو

    جاييك من بعيد يا غيمه قاصدك داير يريح بالو
    والله لحظات بس يعيشهن هاني تحتك زي عُمر تبقالو

    فاكرك والهجير يا غيمه صاليهو مبشتن حالو
    ولا بي تحنان تحضني عليكِ تمسحي منو دمعات سالو

    إنتِ لو كان ليكِ قلب يا غيمه عاشقك فات رحلبو شالو
    ولا كان واديك دمعك رشّ كترت عربو في حلالو

    مادام فُتي آه يا غيمه قصدو الدايرو ما تمالو
    ولا شن الحارسو باقي وراكِ مادام غرزو تب ما نالو

    بالليل والنهار يا غيمه ناوي يقوم علي ترحالو
    وحده خلاص يواصل تاني مشواراً كتير يهوالو

    قوليلو الوداع يا غيمه لو كان في الوداع يلقالو
    ولا حبة زاد يشيلا معاهو في سفرو ليالي الطالو

    داير يوصيكِ هاك يا غيمه لي زولاً قبيل غنالو
    ولا تمشيلو توصفي ليهو كيف جمر الغرام سوالو

    كيفن بُعدو آه يا غيمه تب في الدنيا ما خلالو
    ولا غير جرحاً يزيد إيلامو كل ما صحبو قالوا وقالوا

    غير بيت من قصيد يا غيمه يفرِح حتى لي عُزالو
    ولا مهما سو فوقو وجابو زادولو الملامه وكالو

    غير طيفو الحبيب يا غيمه في دنيا العذاب هلالو
    إتذكر زمانو الولى رقّ قليبو تب حنالو

    غير قيداً خلاص يا غيمه معقود وإنعدم حلالو
    والله رغم البيهو قولي ليهو ما فارقت لحظه خيالو

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الخميس 5 فبراير - 4:39


    شكوى
    شكــــــــوى - عبدالقيوم الشريف


    أنا داير الوم فيك الضمير الفى دُناك اتلاشي غاب
    يا يابا تقسي حرام عليك بتك ربيعها يضيع سراب

    انا لومى دار اشكيك لى أهلك وقرايبك والصحاب
    داير افض اسرارى واكشف للنقاب
    جيت دار أصوغ مأساتي في أجمل خطاب
    يروى الدليب أناتى واسمعها فى الرباب

    ورينى بتك آيه جنت غير هم معلق فى الرقاب
    وبي سببك انت عشان أبوى ربيتلى جنحين من عذاب
    قفلت ابواب العلم قدامى ما خليتلى باب
    بدلت آمالى العراض بى حسرة دايمه وإكتئاب

    يا حليلى أنا المشتاقه لى دقة الجرس للحصة لى فتح الكتاب
    يا حليلى أنا المشتاقه تشغل بالى مسألة فى الحساب
    مشتاقة لى قومت الصباح البدرى مابرضى الغياب
    مشتاقة لى لمة مذاكرة بين زميلاتى البعيدات والقراب

    برهنت صاحب المال صبح فى زمنا بين الناس مهاب
    وبي مالو يحكم للعقول والطالبو من غير شك مجاب
    قول لى اغراك المِلك يا يابا ولا الإغتراب
    ولا الحلاوة الفى اللسان الفيها كأس السم مذاب

    يا يابا ضيعت الأبوه البيها خاطر الأسرة طاب
    ومن غير تشورنى بلا رضاى عجلت بى كتب الكتاب
    غشاك بُلال المطر ينزل عليك بدون سحاب
    لكنوا مابيروى العطش للظآمى لا بيروى اليباب

    مالك تبيعنى انا دون تمن ظنك تراهو عليك خاب
    وتجبرنى انت على الغلط وترفضلى لما يجى الصواب
    خليتنى زى ظبية سلم فى غابه تفترسه الذئاب
    أغراك سماحة الصورة ولا ملى الجراب
    كان قلت قاصد الفقره ديل ساكت قباب

    مالك على تحرمنى من زولاً قليبى انا ليهو حاب
    وتجبرنى انت على الغلط وترفضلى لما يجى الصواب
    أنا عشقى فى تربال يسرسر عرقوا يسقيبوا التراب
    عيشتو البسيطة بلا كلف بى قلبو يتحدى الصعاب

    أرضاني للخاتاهو منية ودايره لى يكون حجاب
    ويحمينى من غدر الزمان الليهو ماك عامل حساب
    بسعد معاهو أنا فى ديار احلامها فى مدن الضباب
    وبى ونسى فوق العنقريب والنسمه جاى هواها هاب
    احسن لى من موتى البطيئ بيناتو عمرى شقى وعذاب
    ترحل مصيبتى على العلى وانا مؤمنة والمؤمن مصاب

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الخميس 5 فبراير - 4:41


    مبروك الجديد
    مـــــــبروك الجـــديد - عبدالقيوم الشريف

    مبروك الجديد يا ناسي مبروك الجديد
    لميت رفيق دربك خلاص خليتني لى الآلآم وحيد

    أنا باكي فوق نار الجحيم بتقلي وانت تعيش سعيد
    لبست وشاحات بالحزن دنياي - دنياك انت عيد
    رغم إنى عارفو بكاى أبداً ما بيفيد
    شن حيلتي تانى بلاهو يا قاسى وعنيد

    بالله ما فكرت يوم فى البينا في الحب الوئيد
    وكيف حال قليب مريودك الغدرو المريد
    بالله ما طاف بخيالك مرة عين جفت الغميض
    جارت عواطفك وبعتو بى تمناً زهيد

    يا السارقة مخزون قلبى سيبتى بلا رصيد
    كذب القلب لو نيتو من بعدك يريد
    حبك صبح دمع الفراق حراقه داعبت الخديد
    وإن جاره سالت من مقل واديها كان قبلك جليد

    أوعك تقول لى الحصل بيناتنا ما لى فيهو إيد
    كذابه يا لوحة سماح مرسومة في بالى الشريد
    وآ ضيعة القلب الزرع آمالو وآ وجعو الشديد
    ذبلت زهور ساقيها من دم الوريد

    صح قبلى قيس كان تاه وطاش ضرب الهويد
    عنتر عشان ريد عبلة كم كسر حديد
    الليلة شبعان فى الألم قبالى ود عبدالحميد
    فوق دربو انا الفاقد الرشد كيفن يسمونى الرشيد

    مبروك عليك بيت الحلال إن شاء الله والعيش الرغيد
    مبروك عليك سعداً شدت قمريتو غازلت الجريد
    مبروك عليك حروف نغم منظومة في أبيات قصيد
    مبروك عليك بيتاً تبكرى فيهو قبل البت وليد

    انسيهو زولاً كان معاك حصادو مليان ساقو قيد
    كنتى الأمل لكن بقيتى سراب بعيد
    يا حليل قليبو الباترو سيف ابن الوليد
    شقيان يموت بى شقاهو والغير يستفيد

    osman
    osman
    المديـر العـام
    المديـر العـام


    ذكر عدد الرسائل : 1339
    العمر : 34
    الموقع : الخرطوم
    العمل/الترفيه : مهندس
    علم الدولة : الشعر الشايقي SudanC
    المهنة : الشعر الشايقي Engine10
    الاوسمة : الشعر الشايقي Empty
    نقاط : 819
    تاريخ التسجيل : 11/11/2008

    الشعر الشايقي Empty رد: الشعر الشايقي

    مُساهمة من طرف osman الخميس 5 فبراير - 4:46


    بت البلد - أداء محمد جباره

    وبلا خبر
    طق الخبر مالي البلد
    قالوا العريس قام بالأحد

    الحلي جاطت والحريم يتهامسن
    جاي الولد
    كوم من بنات للبير ورد
    يتحدثن جاي الولد
    يا بختها وا شوقنا
    نحنا اللينا جمر الشوق وقد
    كل الحديث الليلي فوق بت البلد

    لامن خلاص الليل دخل
    آخر شعاع من الشمس روّح نزل
    ضو القميره جا من بعيد بهر قدل
    دافر ظلام الحلي قداموا وصل
    ناس البلد النام رقد
    والماسك السبحه وعبد
    مشغول هو
    بخبر العريس القالوا قام يوم الأحد

    وهناك بعيد بي غادي في آخر الديار
    راكوبة ضلها احر من حر النهار
    كوم من بروش وجريد تمر عيدان صغار
    ودلوق هدوم موروثة من زمن الكبار
    وتلات عناقريبا صغار
    كرابة متقطع نزل
    والنوم من البيفوقا روح تب جفل

    راقد هناك كوم من ضياع
    مركب مسافري بلا شراع
    احلام مسافري بلا وداع
    ودموع ضياع تنجارى
    من غير انقطاع
    احرف أنين ما خطتن ايد بي يراع
    وليلا نجومو يودعنو
    خلاص مسافرات هن سراع

    بت البلد عبراتا سدت في الحلق
    تبكي وتنوح تشرب دموعا وتنشرق
    لامن حسيس نقارة جاها من الشرق
    قامت مع الليل صنقرت
    وبكت بكت شالت طريحتا
    للدميعات كفكفت
    فجأة سنين الفاتو جن
    وايام زمان إتلملمن

    واتذكرت كانت تقوم فجر الصباح
    لمن يقوم اهل الصلاح
    ابوها شايل السبحي صاح
    ياشافعه سوي الشاي سريع
    شدي الملاح
    شيلي المناجل وامشي قدامي الجرف

    اتذكرت كانت تسبقو تمشي تنزل بي تحت
    تمسك سبيط التمرة بي ايدا وتحت
    تقعد تحش اللوبي للكاويق تقش
    تصل البحر والموج يداعبا فوق هدوما ينط يرش
    بعدين تشيل القش تفوت
    واليوم يفوت
    وتفوت سنين وتمر سنين
    يكبر عمير بت البلد
    يكبر معاهو كمان حنين

    في يوم صباحو صباح هنا
    واحة عبير نغمة غنا
    ريحة لبيني مقننة
    مر الجنى وسلم علي بت البلد
    زي عادتو سلم وابتعد
    تابعاهو عين بت البلد
    بت البلد سمعت ضريبات القلب
    يا الله مالو ده القلب
    بعد الثبات كبفن خرب
    بت البلد عرفت تحب

    واليوم داك بت البلد ما جاها نوم
    مادام خيال ود البلد يمشي ويحوم
    بين الخيال شافت وجيهو الهاش وباش
    شافت عيونو الفيها فيض احلاما عاش
    شافت سحاب الريدة فوق واديها راش

    بت البلد تاهت مع الشوق الما عاد ينكتم
    والصوره ها دي في قليبا بتترسم
    إسمو العلي نونة خديدا صبح وسم

    تاهت مشت سايقاها دقات الدليب
    لي دار حبيبه منى القليب
    لي قعده عصراويه فوق العنقريب
    للونسي والخاطر يطيب
    لي مسكه في إيد الحبيب
    الوقفه قدام الجنات
    القرمصيص وغنى البنات
    يالله وين تلقى الثبات
    والصفقه من تال الولاد
    ما بتسمعا وجاياها من آخر بلاد

    اتذكرت كبف حاج محمد والدا
    حالف يمين ود البلد ما ياخدا
    لو كان ركع قداما صلى ويعبدا
    أتذكرت كيف حاج محمد والدا
    قال ليها ما عندك أدب
    تعبان سنين فوقك تعب
    واديكي لي زولاً كعب
    تربال وعيشتو عدم عدم
    لو قاري لو ماسك قلم
    تاخديه تندمي صح ندم
    يشقيكي يوريكي الالم

    واتذكرت كيف حاج محمد والدا
    وصف العريس الجاي بي قطر الاحد
    كتر محاسنو وعددا
    راجل موظف عندو مال
    يأويكي في بيت الحلا ل
    تبقيلوا لي امو العيال

    واتذكرت لامن ابت
    قول حاج محمد والدا
    كيف نهرا وحالف يمين بيودرا
    لو مارضت بالجاي بي قطر الأحد

    إتذكرت كيف الحبيب ود البلد
    في الغربه روّح وإبتعد
    وبكت بكت بت البلد
    لما الخبر زاع في البلد
    إنو العريس قام بالأحد
    الحلي جاطت والحريم يتهامسن
    جاي الولد
    كوم من بنات للبير ورد
    يتحدثن جاي الولد
    يا بختها وا شوقنا
    نحنا اللينا جمر الشوق وقد

    لكنهن ما عرفن الشوق كيف وقد
    وما عرفن انو هي شوقا تب ماليهو حد
    مو ليس للعريس ليهو الحبيب ود البلد
    ده الراح وفي زحمة ضياع هو ما اتوجد
    يا حليلك انت يا بت البلد
    ويا حليلك انت يا بت البلد


      الوقت/التاريخ الآن هو السبت 10 ديسمبر - 1:19