الشاعر سيد عبد العزيز

يامنار المعاني الطيبة
فيك تروح الف روح وانت روحك طيبة
والنفوس النفيسة وطيبة في مرايتك شبيبة وشيبة
الحنون جوز عيون الكمال والهيبة
والزهور الزهيره وطيبة ازدهار وجنتيك ياطيبة
الجمال والدلال المنافي الريبة
في جلا ل الملكة زبيدة في وداعة الرِبَت في البيدا
حِن حَنان الحُنان في نفور الصيدا
بتماثلي البروق بي البسمة وتماثلي الغصون منقسمة
هاك صِفاك من صَفاك يادهيبة القسمة
مثال الكمال في جيلا علي صحف العفاف تسجيلا
دي الشمس بي ذاتا لكن شمس خجيلة

الشاطي
في الشاطي طاب لينا السمر وحبـيـبـنا قـال ضو القمر
حـبـيبى صـافانا الـدهر وسـرورنا بـان نجمو وظهر
انـا و انـت والعود والنهر والـروض حـوالينا ازدهر
كـل ثـانية انفاس الزهر تـتحـفنـا انـفـاس الزهر
بـالله يالبـاسـم الوديـع خـلـينا لى وقـت السـحر
الطـقس صحو فى جو بديع لا فــيه بـرد لا فـيه حر
غـنيـنى انشـودة الربيع فصل الربـيع يـاما سـحر
رفـرف على الافق الوسيع واسـمع تـسـابيح النـهر
البـدر طـل عـلى الوجود فـى العـالم الضـيا انتشر
و نـحنا جالسين فى ضفاف فـى لـيلنا داك نطق الوتر
تـيـارو يـعلو وينـخفض مـع مـوجو كم سبحت فكر
نـشوانة من خمر السرور السـامية مـا نـشوة سكر
حــلــو الحــديــث حـلو الـتـبـسم والـنظر
حلـو طرفك الزانو الحياء جـمـع الـتناعس و الحور
ادخـل عـلى قلبى السرور ونـثـر عـلى سمعى الدرر
نـغـمك يـرفِّه عن حياتى ويُـنــسـى الام الـدهر
غـرود عـيونو وغـنى لى مـن الجـديـد الـمـبتكر
مـيل مـع صـوته الحنون فـى غـاية الحـيا و الحذر
وانـــا مــن طــرب نـشـوان اقـول يـاللقمر
حـبـيـبى امـل النـفس والـشــى المـنـتـظـر
انـت السـعـاده بـاكملها يـا اروع انـسان فى البشر
ومـالى ومـالى ومال كدا يـا حـبيـبى مالى مال كدا
اللـيل هـدا ونـامو العـدا سـاعة الـوصـال مااسعدا
نـحب بـعض دي مـؤكدة عـندك تـمام ولا مـش كدا

الفي دلالو وما اعظم جلالو استحل هلاكي ولي حرم حلالو
الهلال الشغل الناس هلالو الظلام حين شاف محيو انجلالو
ناضرة خدودو بالانوار يلالو اراح انفسنا بريحانة خلالو
المحجب مااكرم خصالو لي كاتل وليه صعبان وصالو
حسنو نامي ومافي انسان حصالو خلف حجبو بق النور عصالو
المحاسن في مراية جمالو رطب قوامو وخمر التيه امالو
يتلو قلبك حين تلة شمالو وتدعيلو عليه يدوم كمالو
المهفهف توب العز كسالو مثالو النعمة ومااسعد مثالو
جدايل ديسو الفي وردانو سالو وطيبو يعبق كل ما الليل مسالو
شالو فالو الناس يتمنو حالو مثال الباسم وحن الغيم سحالو
من ضميري حب الغير محالو ونام وخلي الكان نايم صحالو
الطريف السبي قلبي وصبالو لو رآه الكان راهب صبالو
الاشعة تشوفن في خبالو ولو نظرلك بتشيلك نبالو
مابيرحم قلبي الماخطالو وصد نافر وزاد الصد وصالو
احب في سماهو المافي ايادي طالو وعندي افضل من وفا ناس نصالو

osman كتب:

ساجور...... والله انت تعرف اين يكمن الابداع
ارجعتنا الى زمن الكلمة الجميلة
المزيد يا ساجور

تشكر علي المرور يا عثمان

مشكووور