نس------------------------------------------------------------------------------------------------ان

إنسان
يانسان فى الدنيا الهائمه يبحث عن شى مفقود
والدنيا ظلام الدنيا غمام الدنيا مطر
لا قمراً اضوى اجود لا نجماً ادل ويقود
لا برقا يشلع اضوى عشان خطوى تمشى تفوت
جواك سجود جواك بيا ض من غير حدود
جواك حلم قلى لمتين سيظل معقود
حلمك تبحث عن شى والشى مازال مفقود
فى الظلمى الزائدة الظلمى ظلام انا شايفك ماشى وباسم
حاسب فى السكة خطر فى السكة حجرفى السكه وتر ما زال مفقود
حاسب فى السكة شراك منصوبة فى السكة كلاب مسعورة
فى السكة غراب وحدى ينهش من لحم الحى
فى الجو يخطف ويطير يخطف من غير تدبير
يشرب من ماء البئر يرجع يخطف ويطير
حاسب ما تشوف الباب وتقارب
خلف اليبان فى ثعالب خلف البيبان فى عقارب
وبين البيبان فى مقالب

ارجع بالله عليك ارجع ماتمشى تعال انا خايف هم يازوك
وانا خايف والله عليك لكنك انت مشيت للضؤ الجاى عليك
امكن شركا منصوب اومكن قول ملعوب
لا الضؤ تلقاة امامك لا الحلم الكان مفقود
ودعتك وماشى وراك عارفك ماراجع ثانى
ودعتة قبالك زول مخلوق فى نفس القامه
مخلوق فى نفس الهامة مليان عزة وكرامة
مخلوق عنيد ومكابر دى الطبع الفيه مشاتر
مخلوق صابر ومصابر مخلوق اصلا هو مهاجر
قتلوه كلاب السوق ارجع انا كان عندى سوال
لو عندك ليهوا جواب جاوبنى ياخى وفوت
قلى ماهوا الشى؟
راجياك كلاب الحى
راجياك كلاب السوق وجبال وسهول وهضاب
راجياك صحارى الصئى
قلى عند دنيا الحب دى حبيبك هو الجافاك
عداك وكمان هو نساك كيفن قدر اتناساك
دى كلامك كان فى الريد مطرا نازل يقشاك

نازل يشتل فى هواك ولو يعرف قيمة الحب
ما كان قدر اتناساك اوفكر يوم ينساك
قلى عن دنيا الخير هو الطير ياكل فى الطير
والدنيا بلا تعمير والزمن الجايبوا كثير
تدمير على راس تدمير راح نبقى فى قاع البئر
ونشرب لا نروى وحاتك ونفضل فى قاع البئر
الحب الخير الصدق كلمات صارت تعبير
تتباع بالصدفة وحاتك والزمن الجايبوا خطير
قلى بالله عليك قلى رايح على وين؟
امكن ضليتوا طريقك لوحب الناس هوا طريقك
دى اكيد ضليتوا دريبك والشوق الزايدوا لهيبك
رايح لى وطنا ثانى وطنا من غير اعلام
وطنا اعلام غرام وطنا مبداهوا سلام
الحب الخير الصدق الشمس الارض النور
طابور على راس طابور فى المدرسة يلا نقول
ونرجع من ثانى نقول الصدق الحب الخير
راح يصبح هو التعبيرما
تمشى تعال ارجع الفكرة بسيطة بترجع

والطفلة مازالت تتكتب للحلم الفينا بيطلع
الحب الخير الصدق كلمات مازالت فينا
بتعيد احداث الماضى وندون للتاريخ
من عبرتوا ناخذ درس ونبدا نصلح في زاتنا
ونرجع فى نفس الموعد عشان نكتب بكرة جميلة
يانسان
ارجوك ماتمشى تعال ارجع
الطفلة ما زالت تكتب محتاجة كمان لى صوتك
محتاجة كمان لى رسمك
اديها بدل كراس كراسة خلا ص ماشطب
اديها نغم واحساس علمها كلام الخير
وريها اوطان النور خليها تردد خلفك
الحب الخير الصدق كلمات ما للتعبير
كلمات احساس ودليل للدرب الجائى طويل
ارجع وارضيهوا ضميرك
اكتب للناس مايضيرك كل الاحزان راح تهرب
والدنيا بتصبح جنة

من بعدها نلقى الجنة ونطير زى طير الجنة
ونختم للدنيا محنة للناس العرفوا اصلنا
الحب الخير الصدق كلمات من نبع اصلنا

سلمت يدااااااااااك اخي نبيل علي هذه الكلمااااااااااات الرائعه

وتمت بصحه وعافيه
اعجبتني جدا هذه الابياااااااااات الجميله
التي تدل علي جمال قلمك المبدع ..


تقبل تحياتي..

مررت من هنا

بــــــشه