حصريا على شاشه منتديات المستقبل حلقات المسلسل الرومانسى السودانى الجامعى

اليوم الاول فى الجامعه (صوره للجامعه من الخارج) دخلت ريم الجامعه ورأت مجموعه من السناير فقالت
لو سمحتو يا شباب قاعه كيمياء وين
وبكل خفه قام احدهم وقال لها انت برلومه فانصرفت عنه ورفضت الرد فلحقها وقال لها انا اوديكى لحدى القاعه(كسير تلج شدددييييييييد) وصار يحكى لها عن الجامعه وصعوبه الدكاتره وقبل ان يكمل موضوعه كانا قد وصلا القاعه فقال لها السنير انا اسمى حسن اذا دايره اى حاجه اسالى اى زول من حسن ارابيسك ولو ما لقيتى زول اسالى الحيطه دى بتوريكى انا وين(نظام مشهور وكده) فانصرفت الى القاعه والى اول محاضره لها فى الجامعه قبل لن يسالها السنير عن اسمها ورقم هاتفها
(صوره للجامعه من الخرج)دخل خالد البرلوم الجامعه وصار يتلفت يمينا ويسارا وكان هنالك بعض العمال ينقلون الطوب داخل الجامعه وهنالك مجموعه من السناير بالقرب منهم فلما ابصروا خالد ادركوا انه برلوم فقام اليه احد السناير ورحب به وقال له برلوم جديد
خالد نعم
السنير وشعورك شنو حسى
خالد والله مبسوط على الاقل حنخلص من الجلد بتاع الاساتذه فى الثانوى
السنير بتقرأ شنو
خالد علوم كيمياء على فكره وين الفصل بتاعنا والجدول بيكون وين
السنير والله يا خالد انت حظك كعب شايف الناس البيشيلو الطوب ديل ديل برالمه كيمياء العميد قال ليهم انقلوا الطوب ده
خالد كده من اول يوم
السنير ما فى مشكله يا خالد انت انقل معاهم شويه وتعال سجل اسمك عندى عشان العميد داير الاسماء انقل ليك دور دورين وانا بخارجك
وصار خالد ينقل فى الطوب مع العمال حتى اتسخت ثيابه وبعد ان انتهى سجل اسمه عند السنير وسأله اين يذهب بعد الطوب
السنير خلاص كده اليوميه انتهت امشى وتعال بكره وسجل اسمك عندى وبوريك اذا العميد قال اعملوا حاجه ثانيه
خالد شكرا ليك ما قصرت مع السلامه

على الجانب الاخر كانت اول محاضره قد انتهت واجتمع الاولاد فى ركن يتعرفون ببعضهم البعض وعلى الركن الاخر اجتمعن بنات الدفعه يعلقن على كل كبيره وصغيره ويحاولن ان ينظرن بطرف اعينهن الى دفعتهم من الاولاد
هكذا انتهى اليوم الاول لكل من خالد وريم

فكيف ستتطور العلاقه بينهما تابع الحلقات

قصه والله دي قصه لكن النشوف اخرتا متابعين معاك
طعتني صياد برلومات عدييل ههههههههههههه عموما ما تنسي تطلعني في كم مشهد كده اهو الواحد يبقي نجم علي اخر عمرو

مشكورين كتير يا ارابيسك ويا صمت واليكم الحلقه الثانيه

الحلقه الثانيه من المسلسل
الرومانسى


فى اليوم الثانى دخل خالد الجامعه وكان يحمل
حقيبه فيها بعض الملابس لزوم اى عمل اخر يطلبه العميد وحتى لا تتسخ ثيابه, وذهب
الى نفس المكان فلم يجد السناير ولا الطوب وسال بعض الشباب عن قاعه كيمياء فدلوه
عليها فذهب ليجد بعض الشباب فى انتظار المحاضره فذهب اليهم وسالهم بتقروا كيمياء
فرد احدهم انهم فى المستوى الاول لا يفرقون بين كيمياء وفيزياء وباقى العلوم فكلهم
فى قاعه واحده


ورد اخر ايوه انا تخصصى كيمياء


واتجه خالد نحوه وساله عن اسمه فقال له ايمن
فرد خالد وانا خالد


ايمن شكلك ما حضرت المحاضره امبارح ما جيت
ولا شنو


خالد لا جيت(فانتبه خالد ان هذه الاشكال ليست
هى الاشكال التى عمل معها بالامس) بس جيت متأخر
ادوكم شنو امبارح


ايمن ادونا math


خالد الليله فى كم
محاضره


ايمن يفتح دفتره
ويقرأ لخالد الجدول


خالد الاستاذ بتاع
الكيمياء لسه ما جه


ايمن ولا شكلو حيجى


خالد خلاص كدى ندخل
القاعه اكتب منك الجدول والمحاضره بتاعت امبارح


يتحركون الى داخل
القاعه


وينقطع
المسلسل للاعلانات


1- منتديات المستقبل السودانيه
حيث الذوق الرفيع والمواضيع المميزه


2- ستيم تفاح





عدنا


خالد يقول لايمن ارح
نقعد وراء هنالك بعيد من البنات ديل


ايمن معلقا لا
معارضا هو فى اجمل من البنات فى الجامعه


خالد ساكن وين يا
ايمن


ايمن ساكن الرياض
وانت وين


خالد انا ساكن بحرى
ويستمر الحوار بينهما





على الجانب الاخر
تعرفت ريم على هند


ريم كتبت المحاضره
بتاعت امبارح يا هند


هند لا لكن كدى ندخل
القاعه نشوف لينا زول كتبها نصورها منو


هند لديها جراءه
زياده فقالت لريم ارح نسال الاولاد القاعدين وراء


ريم لا لا نسال
البنات ديل


هند ليه اصلوا
حياكلونا ارح ليهم


هند السلام عليكم
شباب


ايمن عليكم السلام


هند عندكم محاضره
امبارح


ايمن ايوه عندى


هند ممكن تدونا ليها
نصورها


ايمن جدا لكن احسن
ليكم دفتر خالد لانو خطوا جميل


وتحمل هند دفتر خالد
وتذهب هى وريم


ايمن يتحدث عن هند
شكلها لذيذه


خالد والمعاها كمان





هند رايك شنو فى
الشباب ديل


ريم كويسين


هند لمن نرجع ليهم
الدفتر نتعرف عليهم(اذ صارت المبادره فى هذا الزمن للبنت لان الاولاد يخجلون اكثر
منهم)


ريم لا نتعرف ولا
حاجه


هند ترجع الدفتر
لايمن وتشكره


ايمن ولا شكر ولا
حاجه نحن دفعه


هند ومالو المعاك ده
ساكت زعلان عشان صورنا دفتروا


خالد يرفع يده من
الموبايل وينظر الى هند ويقول لها مافى حاجه بتزعل


ريم تقول لى هند يلا
ياهند اتاخرنا


هند مع السلامه


ايمن نتلاقى بكره


هند باى


ايمن باى


لاحظ خالد انه راى
فى ريم شى يجذبه لها ربما عينيها الجميلتين وربما صمتها ولكنه عندما لم يحدد الشى
لم يهتم بالموضوع كثيرا


وانتهى اليوم الثانى
وخالد لم يحضر محاضره بعد


فهل يكون الدفتر
بدايه العلاقه بينهما

قصه التسالي الفي ايدنا كمل والدعايات لسه ما كملت
منتظرنك

والله لكن قصه بسرعه
اوعي يوم الخميس والجمعه مافي٠

قصه فتحت عليك جبهه قتاليه حريميه بصراحتك دي
عموما قناعتي انو انبل الحب هو اللامباح به عشان كده بحتفظ بالمشاعر الجميله دي

يا ارابيسك المراه لا تستطيع ان تحارب الرجل الصريح لانها لا تستطيع ان تكون صريحه

قصه وسيد ال117 ده ما خايف علي ريم يقصو ليها هههههههههههه

البنات بطبعهن خجولات وقلما تبدأ المبادره منهن ولكن عندك حق فى هذا الزمن يا ما شوفنا والله يستر من الما شفناهو
وشكرا على المرور ارابيسك

دى فاتت على يا ارابيسك فى الزمن ده بعملوها عادى

السلام عليكم ورحمة اللة

هذا وقد تمت اعادة الحلقات بناء على طلب المشاهدين

قصه لك التحيه وانت تسوغ مشاكل جيل في اسلوب درامي سلس وتواصل ما انقطع
بخصوص الوقفه في الشمس طبعا الشاب بحكم هو راجل ما صاح يقول ليها يا هنايه تعالي نزح من الشمس شويه مع انو عينو طالعه من الشمس اضافه لي انو نار الحب اكيد حراقه اكتر من الشمس اما بالنسبه للبنت فبطبعها مجامله وخايفه تقول ليهو نقعد في الضل يفتكر انو سخيف وياخد منها موقف وفي كل الاحوال النيران جواهم
بالنسبه لموضوع البوح بالحب فحسب رأيي ان انبل الحب هو المسكوت عنه
وتااني جبنا التسالي وقاعدين منتظرين الحلقه الجايه

انتهي المسلسل
قصه لك التحيه فأنت قاص وسيناريست من الدرجه الاولي عشنا حلقات المسلسل التي عكست واقعا نعيشه واقع يسمي (الولف) ويغلف باسم الحب
لتنتهي جميع مسلسلات العلاقات الجامعيه بصفر كبير (الا من رحم وهم قله)
اما عن سؤالك فيحمل قليل من الخبث لكن الخبث الدافع لاثراء الساحه بالنقاش وهو خبث جيد حتي لا تكون عيون المتابعين مرت مرور الكرام دون ترك بصمه واقول نعم هناك فئه من الفتيات لهن هواية جمع الرجال كهواية جمع الطوابع ولعل هناك مقوله مشهوره لديهن في هذا الشأن وهناك القنوعه التي تقبل بإبن الحلال حتي ولو كان ابن العم ولكن هناك النبيله التي تحب وتنال من تحب وللاسف هن قله
دمت